ഗായിക അമൃത സുരേഷിന്റെ പിതാവും ഓടക്കുഴൽ കലാകാരനുമായ പി ആർ സുരേഷ് അടുത്തിടെയാണ് അന്തരിച്ചത്. സ്ട്രോക്കിനെ തുടർന്ന് കൊച്ചിയിലെ സ്വകാര്യ ആശുപത്രിയിൽ ചികിത്സയിലിരിക്കെയായിരുന്നു അന്ത്യം. മരണ വാർത്ത അമൃത തന്നെയായിരുന്നു ആരാധകരെയും അറിയിച്ചത്.
ഇപ്പോഴിതാ, അച്ഛന്റെ അനുസ്മരണ യോഗത്തിൽ പാട്ടുപാടുന്ന വീഡിയോ ഇൻസ്റ്റഗ്രാമിൽ പങ്കുവച്ചിരിക്കുകയാണ് ഗായിക. വാണി ജയറാമിന്റെ ‘ബോലേ രേ പപ്പീ ഹരാ’ എന്ന ഗാനമാണ് അമൃത ആലപിച്ചത്. പാട്ടുപാടുന്നതിനിടെ അമൃത കരയുന്നതും വീഡിയോയിലുണ്ട്. ഇത് സദസിലുള്ളവരെയും കണ്ണ് നനയിപ്പിച്ചു. ആലാപനം പൂർത്തിയാക്കാനാകാതെ അമൃത മൈക്ക് തിരികെ കൊടുക്കുന്നതും ദൃശ്യങ്ങളുണ്ട്. ‘അച്ഛാ’ എന്ന അടിക്കുറിപ്പോടെയാണ് അമൃത വീഡിയോ സമൂഹമാദ്ധ്യമത്തിൽ പങ്കുവച്ചത്.
