അറുപത്തിമൂന്നിന്റെ നിറവിലെത്തിയ പ്രിയ സുഹൃത്ത് മോഹൻലാലിന് ജന്മദിനാശംസകൾ നേർന്ന് മുകേഷ്. ‘ഹാപ്പി ബെർത്ത്ഡേ അളിയാ..ആശംസകൾ’ എന്നാണ് മുകേഷ് കുറിച്ചത്. ഇരുവരുമൊന്നിച്ചുള്ള ചിത്രവും മുകേഷ് സമൂഹമാദ്ധ്യമങ്ങളിൽ പങ്കുവെച്ചിട്ടുണ്ട്.
നടൻ മമ്മൂട്ടിയും മലയാളത്തിന്റെ ലാലേട്ടന് ജന്മദിനാശംസകൾ നേർന്നിരുന്നു. അർദ്ധരാത്രിയിൽ തന്നെയാണ് മമ്മൂട്ടി ആശംസ നേർന്നത്. ഇരുവരും ഒന്നിച്ച് കൈകോർത്ത് നിൽക്കുന്ന ചിത്രം പങ്കുവെച്ചായിരുന്നു അദ്ദേഹത്തിന്റെ ആശംസ.
അഭ്രപാളിയിലെ നടന വിസ്മയം; അറുപത്തിമൂന്നിന്റെ നിറവിൽ ലാലേട്ടൻ
തലമുറകൾ എത്ര പിന്നിട്ടാലും മലയാളികളുടെ ആഘോഷവും സ്വകാര്യ അഹങ്കാരവുമാണ് മോഹൻലാൽ. ചെരിഞ്ഞ തോളുമായി മലയാളി മനസിൽ ഇടം നേടിയിട്ട് പതിറ്റാണ്ടുകൾ കഴിഞ്ഞു. പകരം വെയ്ക്കാനില്ലാത്ത അഭിനയം, മനോഹരമായ പുഞ്ചിരി, മീശപിരിച്ച ഗൗരവമുള്ള, മുണ്ടുമടക്കിക്കുത്തിയ വില്ലൻ, കണ്ണുകളിൽ പ്രേമവും ചുണ്ടുകളിൽ കള്ളച്ചിരിയുമൊളിപ്പിച്ച കാമുകൻ, മലയാള സിനിമാ ആദ്യമായും അവസാനമായും കണ്ട ചേട്ടച്ഛൻ അങ്ങനെ നടനവിസ്മയമായി മാറുകയാണ് മോഹൻലാൽ.
Comments