ഷൂസും സ്നീക്കേഴ്സുമൊക്കെ ധരിക്കുന്നവരാണ് നാം. ഇതിൽ പലരുടെയും ഫേവറേറ്റാണ് വൈറ്റ് ഷൂസ്. പക്ഷെ എളുപ്പത്തിൽ ചളി പുരളുന്നതിനാലും പൊടി പിടിക്കുന്നതിനാലും വെള്ള ഷൂസ് വൃത്തിയാക്കാൻ വലിയ പ്രയാസമാണ്. എന്നാൽ അധികം ബുദ്ധിമുട്ടാതെ തന്നെ വൃത്തികേടായ വെള്ള ഷൂ/സ്നീക്കേഴ്സ് പുത്തനാക്കിയെടുക്കാനുള്ള വഴികൾ എന്തെല്ലാമാണെന്ന് നോക്കാം.
1. നോൺ-ജെൽ രൂപത്തിലുള്ള വെള്ള ടൂത്ത് പേസ്റ്റ് എടുക്കുക. ഇത് ഒരു ടൂത്ത് ബ്രഷിൽ പുരട്ടി ഷൂസിന് പുറത്ത് ചളിയുള്ള എല്ലാ ഭാഗങ്ങളിലും നന്നായി തേച്ചുപിടിപ്പിക്കുക. 15 മിനിറ്റിന് ശേഷം ബ്രഷ് കൊണ്ട് ഉരച്ച് വെള്ളമുപയോഗിച്ച് കഴുകി കളയുകയോ തുണി കൊണ്ട് തുടച്ച് വൃത്തിയാക്കുകയോ ചെയ്യാം.
2. വൈറ്റ് ടൂത്ത് പേസ്റ്റിൽ അൽപം ബേക്കിംഗ് സോഡ, ചെറുചൂടുവെള്ളം എന്നിവ കലർത്തി പേസ്റ്റ് രൂപത്തിലാക്കി ഇത് ഷൂസിൽ തേച്ചുപിടിപ്പിക്കുക. അൽപ നേരത്തിന് ശേഷം ഉരച്ച് കഴുകി കളയാം.
3. ഒരു ടേബിൾ സ്പൂൺ ചൂടുവെള്ളത്തിലേക്ക് ഒരു സ്പൂൺ ബേക്കിംഗ് സോഡയും സ്വർക്കയും ചേർക്കുക. പേസ്റ്റ് രൂപത്തിലാക്കിയ മിശ്രിതം ഷൂസിൽ തേച്ച് പിടിപ്പിച്ച് ചളി ഉരക്കുക. 2-3 മണിക്കൂർ വെയിലത്ത് വച്ചതിന് ശേഷം ഷൂസിൽ പുരട്ടിയിരിക്കുന്ന മിശ്രിതം തുടച്ചുകളയാം..
Comments