സുരേഷ് ഗോപാനം അപ്പാനി ശരത്തിനെ നായകനാക്കി കഥയെഴുതി സംവിധാനം ചെയ്യുന്ന ‘സീന്‍ നമ്പര്‍ 36 മാളവിക വീട്’ ജൂണ്‍ രണ്ടിന് പ്രദര്‍ശനത്തിനെത്തുന്നു. മഞ്ജു സുരേഷ് ഫിലിംസിന്റെ ബാനറില്‍ മഞ്ജു സുരേഷ് നിര്‍മ്മിക്കുന്ന ഈ ചിത്രത്തില്‍ യുവതാരം വമിക സുരേഷാണ് നായികയാകുന്നത്.
കൈലാഷ്, ശശാങ്കന്‍, നിര്‍മ്മല്‍ പാലാഴി, ഹരീഷ് കണാരന്‍, സബിത നായര്‍, പാപ്പന്‍ എന്നിവരാണ് മറ്റു താരങ്ങള്‍. നര്‍മ്മം, പ്രണയം ആക്ഷന്‍ എന്നിവയ്‌ക്ക് പ്രധാന്യം നല്‍കി ഒരുക്കുന്ന’സീന്‍ നമ്പര്‍ 36, മാളവിക വീട് ‘ എന്ന ചിത്രത്തിന്റെ ഛായാഗ്രഹണം ചന്ദ്ര സ്വാമി നിര്‍വഹിക്കുന്നു. കൃഷ്ണകുമാര്‍ വാലിശ്ശേരി തിരക്കഥ സംഭാഷണം. ചിത്രസംയോജനം- ഹരി ജി. നായര്‍, സംഗീത് കുമാര്‍ സംഗീതം പകരുന്ന ചിത്രത്തിന്റെ പശ്ചാത്തല സംഗീതം സായ് ബാലയുടെതാണ്.
പ്രൊഡക്ഷന്‍ കണ്‍ട്രോളര്‍- അജിത്ത് ചെമ്പകശ്ശേരി, പ്രൊജക്ട് ഡിസൈനര്‍-പ്രഭീഷ് കാലിക്കറ്റ്, പ്രൊഡക്ഷന്‍ ഡിസൈനര്‍-ബാബു പഴിഞ്ചേരി, കല-ജോഷി അഗസ്റ്റിന്‍, കോസ്റ്റ്യൂം ഡിസൈനര്‍- നിലൂണ, വസ്ത്രാലങ്കാരം- സന്ദീപ്, സ്റ്റില്‍സ്- സജിത്ത്, പരസ്യക്കല- മനോജ് ഡിസൈന്‍, ഫിനാന്‍സ് കണ്‍ട്രോളര്‍- സുരേഷ്, ചീഫ് അസോസ്സിയേറ്റ് ഡയറക്ടര്‍- ജയേന്ദ്ര ശര്‍മ്മ, ആക്ഷന്‍- ബ്രൂസ് ലി രാജേഷ്, പിആര്‍ഒ- എ.എസ്. ദിനേശ്.
