ചെന്നൈ: പുതിയ പാർലമെന്റ് മന്ദിരം രാഷ്ട്രത്തിന് സമർപ്പിച്ചതിന് പ്രധാനമന്ത്രി നരേന്ദ്രമോദിയ്ക്ക് നന്ദി പറഞ്ഞ് തമിഴ്നാട് രാജ്ഭവൻ നന്ദി പറഞ്ഞു. ട്വിറ്ററിലൂടെയാണ് തമിഴ്നാട് രാജ്ഭവന്റെ പ്രതികരണം.
https://twitter.com/rajbhavan_tn/status/1662663867908931586?s=20
പാർലമെന്റ് സമുച്ചയം ഭാരതത്തിന്റെ സുദീർഘമായ സംസ്കാരത്തെ മഹത്വവൽക്കരിക്കുകയും വിശ്വഗുരു എന്ന കാഴ്ചപ്പാട് പ്രതിഫലിപ്പിക്കുകയും ചെയ്യുന്നു. അതിമനോഹരവും ഗംഭീരവുമായ പുതിയ പാർലമെന്റ് മന്ദിരം എന്ന ദീർഘകാലമായുള്ള ദേശീയ അഭിലാഷങ്ങൾ നിറവേറ്റിയതിന് നമ്മുടെ പ്രിയപ്പെട്ട പ്രധാനമന്ത്രിയ്ക്ക് ഹൃദയം നിറഞ്ഞ നന്ദി എന്നാണ് തമിഴ്നാട് രാജ്ഭവൻ ട്വിറ്ററിൽ കുറിച്ചത്.
അതേസമയം ഇന്ന പുതിയ പാർലമെന്റിന്റെ ഉദ്ഘാടനം പ്രധാനമന്ത്രി നരേന്ദ്രമോദി നിർവ്വഹിച്ചു. പാർലമെന്റ് സമുച്ചയത്തിന്റെ ഉദ്ഘാടനത്തോടനുബന്ധിച്ച് സർവമത പ്രാർത്ഥനയും നടന്നു. ധർമ്മാധിഷ്ഠിത അധികാരത്തിന്റെ പ്രതീകമായ ചെങ്കോൽ ലോക്സഭാ ഹാളിൽ പ്രധാനമന്ത്രി സ്ഥാപിച്ചു. ലോക്സഭ സ്പീക്കറുടെയും സന്ന്യാസിമാരുടെയും സാന്നിദ്ധ്യത്തിലായിരുന്നു ചെങ്കോൽ സ്ഥാപിച്ചത്.
Comments