പാർലമെന്ററി സംവിധാനത്തിന്റെ പുതിയ പരമോന്നതാലയത്തിന് കവാടം തുറക്കുമ്പോൾ തനിക്ക് സാക്ഷിയാകാൻ സാധിച്ചെന്നും അതിൽ അഭിമാനവും ആഹ്ളാദവുമുണ്ടെന്ന് കേന്ദ്ര വിദേശകാര്യ സഹമന്ത്രി വി. മുരളീധരൻ. ഫേസ്ബുക്കിലൂടെയാണ് അദ്ദേഹം ഇത് പറഞ്ഞത്. ചടങ്ങിൽ പങ്കെടുത്തപ്പോഴുള്ള ചിത്രങ്ങളും അദ്ദേഹം പങ്കെുവെച്ചിട്ടുണ്ട്.
രാജ്യത്തെ 142 കോടി ജനതയുടെ അഭിലാഷ സാക്ഷാത്കരമാണ് പുതിയ പാർലിമെന്റ്. ജനാധിപത്യത്തിന്റെ പുതിയ ശ്രീകോവിൽ പ്രധാനമന്ത്രി നരേന്ദ്രമോദിജി രാജ്യത്തിന് സമർപ്പിച്ചു എന്നും അദ്ദേഹം പറഞ്ഞു. പുതിയ പാർലിമെന്റ് മന്ദിരത്തിൽ പ്രധാനമന്ത്രി സ്ഥാപിച്ച് ചോള സാമ്രാജ്യത്തിന്റെ ചെങ്കോൽ നൽകിയ ശൈവമഠം പുരോഹിതരുടെ അനുഗ്രഹം ലഭിച്ചെന്നും അത് പുണ്യമായി മനസ്സിൽ സൂക്ഷിക്കുമെന്നും കേന്ദ്രമന്ത്രി പറഞ്ഞു.
വി. മുരളീധരന്റെ ഫേസ്ബുക്ക് പോസ്റ്റ്:
രാജ്യത്തെ 142 കോടി ജനതയുടെ അഭിലാഷ സാക്ഷാത്കരമായ ജനാധിപത്യത്തിന്റെ പുതിയ ശ്രീകോവിൽ പ്രധാനമന്ത്രി നരേന്ദ്രമോദിജി രാജ്യത്തിന് സമർപ്പിച്ചു. പാർലമെന്ററി സംവിധാനത്തിന്റെ പുതിയ പരമോന്നതാലയത്തിന് കവാടം തുറക്കുമ്പോൾ സാക്ഷിയാകാൻ സാധിച്ചതിൽ ഏറെ അഭിമാനവും ആഹ്ളാദവുമുണ്ട്.
പുതിയ മന്ദിരത്തിൽ സ്ഥാപിച്ച ചരിത്രപരവും പവിത്രവുമായ ചെങ്കോൽ നരേന്ദ്രമോദിജിക്ക് കൈമാറിയ ശൈവമഠ പുരോഹിതരുടെ അനുഗ്രഹം ഏറ്റുവാങ്ങാനായതും പുണ്യമായി മനസിൽ സൂക്ഷിക്കുന്നു.
