പ്രിയപ്പെട്ട താരങ്ങളുടെ മേക്കോവറുകൾ പലതും ആരാധകരെ ഞെട്ടിച്ചിട്ടുണ്ട്. തെന്നിന്ത്യൻ സിനിമയിൽ ഏറ്റവും കൂടുതൽ മേക്കോവറുകൾ എടുക്കുന്ന താരം തമിഴകത്തിന്റെ ചിയാൻ വിക്രം തന്നെയാണ്. എന്നാൽ ആരാധകർക്ക് പോലും മനസ്സിലാകാത്ത മേക്കോവറുമായി എത്തിയിരിക്കുകയാണ് തമിഴ് നടൻ ധനുഷ്. കഴിഞ്ഞ ദിവസമാണ് പുതുപുത്തൻ മേക്കോവറിലെ ധനുഷിന്റെ ചിത്രങ്ങൾ സോഷ്യൽ മീഡിയയിൽ വൈറലാകാൻ തുടങ്ങിയത്.
പാർക്കിംഗ് ഏരിയയിൽ നിന്ന് കൂൾ ആയി പുറത്തു വരുന്ന ധനുഷിന്റെ ചിത്രങ്ങളാണ് സമൂഹമാദ്ധ്യമങ്ങളിൽ വൈറലാകുന്നത്. മെറൂൺ ടി ഷർട്ടും പാന്റും ധരിച്ച് നീട്ടിയ മുടിയും താടിയുമായൊരാൾ. കൂളിംഗ് ഗ്ലാസ്സും ധരിച്ചിട്ടുണ്ട്. എത്ര നോക്കി നിന്നാലും മനസ്സിലാക്കാൻ എത്ര കടുത്ത ആരാധകനും കഴിയില്ല എന്ന് ഉറപ്പ്. പിന്നെയും സംശയം തോന്നിയാൽ കണ്ണുകളിലേയ്‌ക്ക് സൂക്ഷിച്ചു നോക്കേണ്ടി വരും ആളെ മനസ്സിലാക്കാൻ.
ധനുഷിന്റെ പുറത്തുവരാൻ ഇരിക്കുന്ന പുതിയ ചിത്രത്തിന്റെ ലുക്കായിരിക്കും ഇതെന്നാണ് ആരാധകർ പറയുന്നു. തിരുചിത്തിരപഴം സിനിമയുടെ പ്രമോഷൻ വേളയിലായിരുന്നു ധനുഷിന്റെ മുടിയും താടിയും നീട്ടിവളർത്തിയ ലുക്ക് പുറത്ത് വരുന്നത്. അതിന് ശേഷം വാത്തിയിലും ഇതേ ലുക്ക് തന്നെ പിൻ തുടർന്നു. എന്നാൽ വാത്തിയ്‌ക്ക് ശേഷം സമൂഹമാദ്ധ്യമങ്ങളിൽ അധികമായി ധനുഷ് ആക്ടീവ് ആയിരുന്നില്ല.
