കഴിഞ്ഞ ദിവസമാണ് ‘സ്വതന്ത്ര്യ വീർ സവർക്കർ’ എന്ന ചിത്രത്തിന്റെ ടീസർ പുറത്തുവന്നത്. ചിത്രത്തിന്റെ ആദ്യ ടീസർ മികച്ച അഭിപ്രായമാണ് നേടുന്നത്. ഇപ്പോഴിതാ ചിത്രത്തെ കുറിച്ച് നായകനും സംവിധായകനുമായ രണദീപ് ഹൂഡ പങ്കുവെച്ച ഒരു കുറിപ്പ് വൈറലാവുകയാണ്.
നേതാജി സുഭാഷ് ചന്ദ്രബോസ്, ഭഗത് സിംഗ്, ഖുദിറാം ബോസ് തുടങ്ങിയ സ്വതന്ത്ര്യ സമരനായകൻമാർക്ക് പ്രചോദനമായത് സവർക്കറാണെന്നാണ് അദ്ദേഹത്തിന്റെ കുറിപ്പ്. ഇക്കാര്യം ടീസറിനും പരാമർശിച്ചിരുന്നുണ്ട്. വീർ സവർക്കർ ചുരുളഴിയുന്ന അദ്ദേഹത്തിന്റെ യഥാർഥ കഥ എല്ലാവരും കാണണമെന്നും താരം കുറിപ്പിൽ പറയുന്നു. ട്വിറ്ററിലൂടെയായിരുന്നു അദ്ദേഹത്തിന്റെ പ്രതികരണം.
അതേ സമയം ചിത്രത്തിൽ വീർ സവർക്കറാകാൻ താരം വമ്പൻ മേക്കോവറാണ് നടത്തിയിരിക്കുന്നത്. ചിത്രത്തിൽ നായകൻ എന്നതിന് പുറമേ സംവിധായനും സഹനിർമ്മാതാവുമാണ് അദ്ദേഹം.
