സെലിബ്രേറ്റികളുടെ പഴയകാല ചിത്രങ്ങൾ വീണ്ടും സമൂഹ മാദ്ധ്യമങ്ങളിൽ ശ്രദ്ധ നേടാറുണ്ട്. 1994 ലെ ഐശ്വര്യ റായിയുടെ ഒരു ചിത്രമാണ് സമൂഹ മാദ്ധ്യമങ്ങളിൽ വൈറലാകുന്നത്. ലോക സൗന്ദര്യ മത്സരത്തിന് ശേഷം കിരീടവുമായി ഐശ്വര്യ ഭക്ഷണം കഴിക്കുന്ന ചിത്രമാണ് ആരാധക പ്രശംസ പിടിച്ചു പറ്റുന്നത്.
‘ഹിസ്റ്റോറിക് വിഡ്സ്’ എന്ന ട്വിറ്റർ അക്കൗണ്ടിലാണ് ചിത്രം പ്രത്യക്ഷപ്പെട്ടത്. ലോക സുന്ദരി മത്സരത്തിനുശേഷം അമ്മയോടൊപ്പം നിലത്തിരുന്ന് ഭക്ഷണം കഴിക്കുന്ന ഐശ്വര്യ റായിയാണ് ചിത്രത്തിൽ. കിരീടവും സാഷെയും അണിഞ്ഞ് ചുവപ്പ് സാരിയിലാണ് താരസുന്ദരി.
നിരവധി പേരാണ് ചിത്രത്തിന് താഴെ കമന്റുമായെത്തുന്നത്. നമ്മുടെ സംസംസ്കാരവും പാരമ്പര്യവും മാനിക്കുന്നു, വിജയം നേടിയിട്ടും എന്തൊരു എളിമയാണ് ആ പെൺകുട്ടിക്ക് തുടങ്ങി നിരവധി കമന്റുകളാണ് പഴയ ഫോട്ടോയ്ക്ക് ലഭിക്കുന്നത്.
