മഹേഷ് ബാബു നായകനാകുന്ന പുതിയ ചിത്രമായ ഗുണ്ടുര്‍ കാരത്തിന്റെ ടീസർ പുറത്തുവിട്ടു. ത്രിവിക്രം ശ്രീനിവാസൻ സംവിധാനം ചെയ്യുന്ന ചിത്രം മഹേഷ് ബാബു ആരാധകരെ ആവേശം കൊള്ളിക്കുന്ന ഒന്നായിരിക്കും. ആക്ഷന് വലിയ പ്രാധാന്യം നൽകുന്ന ചിത്രമായിരിക്കും ഗുണ്ടുര്‍ കാരം എന്ന് അടിവരയിടുന്ന ടീസറാണ് അണിയറ പ്രവർത്തകർ പുറത്തുവിട്ടിരിക്കുന്നത്.
നടനും അച്ഛനുമായ കൃഷ്‍ണയ്‍ക്കാണ് ചിത്രത്തിന്റെ ടീസര്‍ മഹേഷ് ബാബു സമര്‍പ്പിച്ചിരിക്കുന്നത്. പുജ ഹെഗ്‍ഡെ നായികയാകുന്ന ചിത്രത്തിന്റെ സംഗീത സംവിധാനം എസ് തമനാണ്. മധിയാണ് ചിത്രത്തിന്റെ ഛായാഗ്രാഹണം. നവി നൂലിയാണ് ചിത്രസംയോജനം.
കല- എ.എസ് പ്രകാശ്. ഹാരിക & ഹാസിനി ക്രിയേഷൻസിന് ബാനറിൽ എസ് രാധാകൃഷ്ണ (ചൈനബാബു) ആണ് ഗുണ്ടുര്‍ കാരം നിർമ്മിക്കുന്നത്. ആര്‍ആര്‍ആര്‍ എന്ന മെഗാഹിറ്റിനു ശേഷം എസ്. എസ് രാജമൗലി ഒരുക്കുന്ന ചിത്രത്തിലും മഹേഷ് ബാബുവാണ് നായകൻ. പാൻ ഇന്ത്യൻ സിനിമയായിട്ടാണ് ചിത്രം ഒരുക്കുക.
