ഇയർഫോണുകളില്ലാത്ത ജീവിതം സങ്കൽപ്പിക്കാൻ തന്നെ പ്രയാസമാണ്. ഇന്ന് മൊബൈൽ ഫോൺ പോലെ തന്നെ ഒഴിച്ചു നിർത്താൻ സാധിക്കാത്ത ഒനായി തീർന്നു കഴിഞ്ഞു ഇയർഫോൺ. എന്നാൽ ഇയർ ഫോൺ ഉപയോഗം വർദ്ധിച്ചാൽ നിങ്ങളുടെ കേൾവിശക്തിയെ ബാധിക്കുമെന്നാണ് പുതിയ പഠനങ്ങൾ.
ബസ്സിലോ ട്രെയിനിലോ യാത്ര ചെയ്യുമ്പോഴും ബഹളമുള്ള സ്ഥലങ്ങളിലും നിൽക്കുമ്പോഴും ദീർഘനേരം സമയം ചെലവഴിക്കുമ്പോൾ എല്ലാം സമയം കളയാൻ നാം ആശ്രയിക്കുന്നത് മൊബൈൽ ഫോണിനെയും ഇയർഫേണിനെയുമാണ്. എന്നാൽ ദീർഘനേരം ഇയർഫോൺ ഉപയോഗിക്കുന്നത് ചെവികൾക്ക് സാരമായ ദോഷമുണ്ടാക്കും. ഇപ്പോൾ പുതുതായി നാം ഉപയോഗിക്കുന്ന ഇയർ- ഇൻ ഇയർഫോണുകൾ ചെവിയിൽ നിന്നും താഴെ പതിക്കാതിരിക്കാൻ ചെവിക്കുള്ളിലേക്ക് ആഴത്തിൽ ഇറങ്ങിയാണ് ഇരിക്കുന്നത്. ഇത് ചെവികൾക്ക് വളരെ ഗുരുതരമായ തകരാറുണ്ടാക്കും.
ഇയർ കനാലിന് വായുസഞ്ചാരം അത്യാവശ്യമാണ്. ഇയർബഡുകൾ ദീർഘനേരം ഉപയോഗിക്കുമ്പോൾ ഇയർ കനാലിൽ വിയർപ്പ് അടിഞ്ഞുകൂടുകയും തുടർന്ന് അണുബാധയുണ്ടാകാനും കാരണമാകുന്നു. ഇതാണ് പ്രധാന പ്രശ്നം. മറ്റൊന്ന് നിരന്തരം ചെവി അടഞ്ഞ് ഇരിക്കുകയും അഴുക്ക് അടിയുകയും ചെയ്യും. ഇതു മൂലം കേൾവിശക്തി കുറയുകയും ചെയ്യുന്നു. പ്രധാന പ്രശ്നങ്ങൾ ഇതെല്ലാമാണ് എങ്കിലും സാമൂഹിക ജീവിതത്തിൽ നിന്നും വഴുതിമാറി ജീവിക്കുന്ന രീതിയിലേക്ക് ഇത്തരം ശീലങ്ങൾ എത്തിക്കുന്നു എന്നും ചില ഡോക്ടർമാർ പറയുന്നു.
ഇയർബഡുകൾ കൂടുതൽ സമയം ഉപയോഗിക്കുന്നുണ്ടോ? ഇതുമൂലം ചെവികൾക്ക് കേടുപാടുകൾ സംഭവിക്കുന്നുണ്ടോ? എങ്കിൽ പരിഹാരമിതാ..
– ഇയർബഡുകൾ ഉപയോഗിക്കുന്ന സമയം കുറയ്ക്കാൻ ശ്രമിക്കുന്നതാണ് പ്രധാന പ്രതിവിധി.
– ഇയർബഡുകൾ ഉയർന്ന വോളിയത്തിൽ ഉപയോഗിക്കാതെയിരിക്കുക. വോളിയം 60 ശതമാനമായി നിലനിർത്തുന്നതാണ് ചെവിയ്ക്ക് നല്ലത്.
– ആക്ടീവ് നോയിസ് ക്യാൻസലേഷൻ സജ്ജീകരണമുള്ള ഇയർബഡുകൾ ഉപയോഗിക്കുക. ഇത്തരം ഇയർബഡുകൾ നാം കേൾക്കുന്നവയുടെ ഒഴിച്ചുള്ള മറ്റ് ശബ്ദങ്ങൾ തടയും.
– ചെവികൾ പതിവായി വൃത്തിയാക്കുക. ഇത് വഴി ചെവിയിൽ അടിഞ്ഞുകൂടുന്ന അഴുക്ക്, മെഴുക് വിയർപ്പ് എന്നിവ ഇല്ലാതാക്കാൻ സഹായിക്കും.
– ഇയർബഡുകൾക്ക് പകരം ഓവർ-ഇയർ ഹെഡ്ഫോണുകൾ ഉപയോഗിക്കുക.
– വളരെ വലിയ വേദനയോ, കേൾവിക്കുറവോ അനുഭവപ്പെട്ടാൽ വൈദ്യ സഹായം തേടുക.
Comments