ചണ്ഡിഗഡ്: ഓപ്പറേഷൻ ബ്ലൂ സ്റ്റാറിന്റെ 39-ാം വാർഷികത്തിൽ സുവർണ ക്ഷേത്രത്തിൽ ഖലിസ്ഥാൻ ഭീകരവാദി നേതാവ് ഭിന്ദ്രൻവാലയുടെ പേരിൽ പോസ്റ്ററുകളും ഖാലിസ്ഥാൻ മുദ്രാവാക്യവും.
1984 ജൂൺ ആറിനാണ് സൈനിക നടപടിയിൽ ഖലിസ്ഥാൻ ഭീകരവാദി ഭിന്ദ്രൻവാല കൊല്ലപ്പെട്ടത്. ഈ പശ്ചാത്തലത്തിലാണ് ഖലിസ്ഥാൻവാദികൾ പഞ്ചാബിലെ സുവർണ ക്ഷേത്രത്തിൽ ഭിന്ദ്രൻവാല അടക്കം നിരവധി വിഘടവാദികളുടെ പോസ്റ്ററുകൾ ഉയർത്തുകയും ഖലിസ്ഥാൻ മുദ്രാവാക്യം ഉയർത്തുകയും ചെയ്തത്. പ്രദേശത്ത് പോലീസ് സുരക്ഷ ശക്തമാക്കിയിട്ടുണ്ട്.
നിരോധിത ഭീകരസംഘടനയായ ഖലിസ്ഥാൻ ടൈഗർ ഫോഴ്സിന്റെ ധനസമാഹരണവുമായി ബന്ധപ്പെട്ട് എൻഐഎ പത്ത് ഇടങ്ങളിൽ പരിശോധന നടത്തിയിരുന്നു. ആയുധങ്ങളും വെടിക്കോപ്പുകളും സ്ഫോടക വസ്തുക്കളും അതിർത്തിക്കപ്പുറത്ത് നിന്ന് കടത്താനുള്ള ക്രിമിനൽ ഗൂഢാലോചനയുമായി ബന്ധപ്പെട്ട് പഞ്ചാബിലെ ഒമ്പത് സ്ഥലങ്ങളിലും ഹരിയാനയിലെ ഒരിടത്തുമാണ് ദേശീയ അന്വേഷണ ഏജൻസി പരിശോധന നടത്തിയത്.
Comments