ന്യൂഡൽഹി: ഇസ്ലാമിക ഭീകരവാദം കേരളത്തിൽ അതിരൂക്ഷമെന്ന് കേരള സ്റ്റോറി സംവിധായകൻ സുദീപ്‌തോ സെൻ. സംസ്ഥാനം ഗുരുതരമായ ഭീഷണിയാണ് നേരിടുന്നതെന്നും അദ്ദേഹം വ്യക്തമാക്കി. കേരളത്തിൽ ഇസ്ലാമിക ഭീകരവാദത്തിന് ഇരയായിട്ടുള്ള പെൺകുട്ടികളുടെ എണ്ണം വിചാരിക്കുന്നതിലും അധികമാണെന്നും അദ്ദേഹം കൂട്ടിച്ചേർത്തു. ഇതിനെതിരെ കേരള സമൂഹം കൂടുതൽ ജാഗ്രത പുലർത്തണമെന്നും അദ്ദേഹം പറഞ്ഞു.
ധാർമികവും സാംസ്‌കാരികവും ആത്മീയവുമായ വിദ്യാഭ്യാസത്തിന്റെ അഭാവമാണ് കേരളത്തിലെ പെൺകുട്ടികൾ ലൗ ജിഹാദിന് ഇരയാകുന്നതിനുള്ള പ്രധാന കാരണം. ഇസ്ലാമിക ഭീകരവാദ സംഘടനകൾ പലപ്പോഴും ഉയർത്തുന്ന വിഘടനവാദ മുദ്രാവാക്യങ്ങളും, ഇതര മതസ്ഥർക്കെതിരെയുള്ള വെല്ലുവിളികളും ആശങ്ക ജനിപ്പിക്കുന്നുണ്ടെന്നും അദ്ദേഹം പറഞ്ഞു. ഡൽഹി മലയാളികളുടെ സാമൂഹിക, സാസംസ്‌കാരിക സംഘടനയായ നവോദയം സംഘടിപ്പിച്ച ചടങ്ങിൽ സംസാരിക്കുകയായിരുന്നു അദ്ദേഹം.
