സുരേഷ് ഗോപി ചിത്രം ‘തമിഴരശൻ’ ഒടിടി റിലീസിന്. ജൂൺ 16-ന് ചിത്രം സീ5 സ്ട്രീമിംഗ് ആരംഭിക്കുമെന്നാണ് റിപ്പോർട്ട്. വിജയ് ആന്റണി നായകനായ ചിത്രത്തിൽ മലയാളത്തിൽ നിന്ന് സുരേഷ് ഗോപിയും രമ്യാ നമ്പീശനും പ്രധാന കഥാപാത്രങ്ങളെ അവതരിപ്പിക്കുന്നു.
ബാബു യോഗേശ്വരൻ ആണ് ചിത്രത്തിന്റെ തിരക്കഥയും സംവിധാനവും. ആർഡി രാജശേഖർ ഐഎസ്എസ്സിയാണ് ചിത്രത്തിന്റെ ഛായഗ്രഹണം നിർവഹിച്ചിരിക്കുന്നത്. എസ് കൗസല്യ റാണിയാണ് ചിത്രം നിർമ്മിച്ചിരിക്കുന്നത്. രവീന്ദർ ആണ് എക്സിക്യൂട്ടീവ് പ്രൊഡ്യൂസർ. ഇളയരാജയാണ് തമിരശന്റെ സംഗീത സംവിധായകൻ.
‘മേ ഹൂം മൂസ’ ആണ് സുരേഷ് ഗോപി നായകനായി ഏറ്റവുമൊടുവിൽ റിലീസ് ചെയ്ത ചിത്രം. സൈജു കുറുപ്പ്, ഹരീഷ് കണാരൻ, ജോണി ആന്റണി, മേജർ രവി, പുനം ബജ്വ ,അശ്വിനി റെഡ്ഡി, മിഥുൻ രമേശ്, ശശാങ്കൻ മയ്യനാട്, ശരൺ, സ്രിന്ദ, എന്നിവരും പ്രധാന വേഷങ്ങളെ അവതരിപ്പിച്ചിരുന്നു. കോൺഫിഡന്റ് ഗ്രൂപ്പ്, ആന്റ് തോമസ് തിരുവല്ലാ ഫിലിംസിന്റെ ബാനറിൽ ഡോ. സി ജെ റോയ്, തോമസ് തിരുവല്ല എന്നിവരാണ് നിർമാണം.
