നമ്മളിൽ പലരേയും അലട്ടുന്ന ഒരു പ്രധാന പ്രശ്നമാണ് ശരീരഭാരം കൂടുന്നത്. ഇത്തരത്തിൽ ഡയറ്റ് നോക്കുന്നവർക്കും അല്ലാതെയും ഭക്ഷണ ക്രമീകരണങ്ങൾ നടത്തുന്നവർക്ക് അവരുടെ മെനുവിൽ ഉൾപ്പെടുത്താൻ പറ്റിയ ഒന്നാണ് നിലക്കടല. കലോറി താരതമ്യേന ഉയർന്നതാണെങ്കിലും നല്ലരീതിയിൽ ഫൈബറും പ്രോട്ടീനും നിലക്കടയിൽ അടങ്ങിയിട്ടുള്ളതിനാൽ ശരീരഭാരം കുറയ്ക്കാൻ സഹായിക്കും. നാരുകൾ, പ്രോട്ടീൻ, ഹൃദയാരോഗ്യകരമായ കൊഴുപ്പുകൾ എന്നിവയുൾപ്പെടെയുള്ള പോഷകങ്ങൾ നിലക്കടലയിൽ നിറഞ്ഞിരിക്കുന്നു.
നിലക്കടല മൊത്തത്തിലുള്ള കലോറി ഉപഭോഗം നിയന്ത്രിക്കുന്നത് എളുപ്പമാക്കുകയും ശരീരഭാരം കുറയ്ക്കാൻ സഹായിക്കുകയും ചെയ്യുന്നു. ശരീരത്തിൽ ആവശ്യമായതും ആരോഗ്യകരമായതുമായ കൊഴുപ്പുകളാൽ സമ്പന്നമാണ് നിലക്കടല. ഇത് കഴിക്കുന്നതിലൂടെ വീക്കം, പൊണ്ണത്തടി, ഹൃദ്രോഗം, പ്രമേഹം എന്നിവ കുറയ്ക്കുന്നതിന് സഹായകമാണ്. നിലക്കടല സാലഡിനൊപ്പവും സ്മൂത്തികളിൽ ചേർത്തും ദിവസവും കഴിക്കാവുന്നതാണ്.
കൂടാടെ കൊളസ്ട്രോളിന്റെ അളവ് കുറയ്ക്കുന്നതിലൂടെ ഹൃദ്രോഗം തടയാൻ നിലക്കടല സഹായിക്കുന്നു. രക്തം കട്ടപിടിക്കുന്നത് തടയാനും ഹൃദയാഘാതം ഉണ്ടാകാനുള്ള സാധ്യത കുറയ്ക്കാനും നിലക്കടലയ്ക്ക് കഴിയും. കൊഴുപ്പിന് പുറമേ ഹൃദയാരോഗ്യമേകുന്ന വിറ്റാമിൻ ഇ, ഫോളേറ്റ്, കാത്സ്യം, മാംഗനീസ് എന്നിവയും നിലക്കടലയിൽ അടങ്ങിയിട്ടുണ്ട്. ആന്റിഓക്സിഡന്റുകൾ ധാരാളമായി അടങ്ങിയിരിക്കുന്ന നിലക്കടല ആഴ്ചയിൽ ഒരിക്കലെങ്കിലും കഴിക്കുന്നത് വളരെ നല്ലതാണ്.
Comments