മറ്റുള്ളവരെ സഹായിക്കുന്നതിലൂടെ കുട്ടികളുടെ വൈകാരികവും ശാരീരികവുമായ ആരോഗ്യം മെച്ചപ്പെടും. ഹൂസ്റ്റൺ പബ്ലിക് ഹെൽത്ത് സെന്റർ നടത്തിയ പഠനത്തിൽ വ്യക്തമാക്കി. സന്നദ്ധസേവനം നടത്തുന്ന കുട്ടികൾ മാനസികമായും ശാരീരികമായും വളരുന്നതായി പഠനം കണ്ടെത്തി. ഈ പഠനത്തിലൂടെ യുവജനങ്ങൾ സമൂഹത്തെ സേവിക്കുന്നതിനുള്ള താൽപ്പര്യം വളർത്തുമെന്നും ഇത്തരം പഠന ഫലങ്ങൾ ശുഭാപ്തിവിശ്വാസം നൽകുന്നെന്നും പഠനം പറയുന്നു.
ഇന്ന് ഓരോരുത്തരും സ്വാർത്ഥതയോടെയാണ് ജീവിക്കുന്നത് എന്നാൽ ഒരു സമൂഹത്തെ കെട്ടിപ്പടുക്കുന്നതിനും സാമൂഹിക ബന്ധങ്ങൾ ശക്തിപ്പെടുത്തുന്നതിനും യുടി ഹെൽത്തിന്റെ പഠനം സഹായിക്കുന്നു. സമൂഹത്തിന് വേണ്ടി സേവനങ്ങൾ ചെയ്യുകയും മറ്റുള്ളവരെ സഹായിക്കുകയും ചെയ്ത കുട്ടികളാണ് മാനസികമായും ശാരീരികമായും മെച്ചപ്പെട്ട ആരോഗ്യത്തോടെ ജീവിക്കുന്നതെന്ന് പഠനം കണ്ടെത്തി.
2019-2020 കാലയളവിൽ 6 വയസ്സ് മുതൽ 17 വയസ്സ് വരെ പ്രായമുള്ള 52,000 കുട്ടികളെയും കൗമാരക്കാരെയും കേന്ദ്രീകരിച്ചായിരുന്നു സർവേ നടത്തിയത്. ഇതിൽ മൂന്നിലൊന്ന് ശതമാനം കുട്ടികളും ഭൂരിഭാഗം കൗമാരക്കാരും കഴിഞ്ഞ വർഷം സന്നദ്ധസേവനം നടത്തിയവരാണ്. സന്നദ്ധപ്രവർത്തനം നടത്തുന്ന കുട്ടികളും കൗമാരപ്രായക്കാരും ആരോഗ്യപരമായി 66% കൂടുതൽ വളർച്ച കൈവരിക്കുമെന്നും പഠനം വ്യക്തമാക്കുന്നുണ്ട്.
