തിരുവനന്തപുരം: കായിക മന്ത്രി അബ്ദുറഹ്മാൻ പങ്കെടുത്ത പരിപാടിയുടെ ഉദ്ഘാടനത്തിന് എത്താത്ത അയൽക്കൂട്ടങ്ങൾക്ക് പിഴ. പുനലൂർ ചെമ്മന്തൂർ സ്റ്റേഡിയം ഉദ്ഘാടനത്തിന് പങ്കെടുക്കാത്ത അയൽക്കൂട്ടങ്ങൾക്കാണ് പിഴ ചുമത്തിയത്. പങ്കെടുക്കാത്ത അയൽക്കൂട്ടങ്ങൾ 100 രൂപ പിഴയായി അടയ്ക്കണമെന്ന് സിഡിഎസ് ചെയർപേഴ്സൺ അറിയിച്ചു. അടുത്ത സിഡിഎസ് യോഗത്തിന് മുൻപായി ഫൈൻ നൽകണമെന്ന് ആവശ്യം. പിഴ ആവശ്യപ്പെട്ട് സിഡിഎസ് ചെയർപെഴ്സൺ അയച്ച ശബ്ദ സന്ദേശം പുറത്ത്.
ഇന്നലെ കായിക മന്ത്രി അബ്ദുറഹ്മാൻ പങ്കെടുത്ത പരിപാടികളിൽ ആളുകൾ കുറഞ്ഞതാണ് പിഴയിടാൻ കാരണം. പുനലൂർ ഇൻഡോർ സ്റ്റേഡിയത്തിന്റെ ഉദ്ഘാടന ചടങ്ങിലും അനുബന്ധ യോഗങ്ങളിലും അയൽക്കൂട്ട അംഗങ്ങൾ കുറഞ്ഞതോടെയാണ് പിഴ അടയ്ക്കണമെന്നുള്ള നിർദ്ദേശം വന്നത്. പുനലൂർ നഗരസഭ മുൻ കൗൺസിലർ . സിഡിഎസ് ചെയർപേഴ്സൺ എന്നിവരാണ് വാട്സപ്പ് ഗ്രൂപ്പിലൂടെ പിഴയടയ്ക്കാൻ സന്ദേശമയച്ചത്.
