മോഹൻലാലിന്റേതായി പുറത്തുവരുന്ന ഫോട്ടോകൾക്കും വീഡിയോകൾക്കും സമൂഹമാദ്ധ്യമങ്ങളിൽ വൻ സ്വീകാര്യതയാണ് ലഭിക്കുന്നത്. അത്തരത്തിലൊരു ഫോട്ടോയാണ് ഇപ്പോൾ സമൂഹമാദ്ധ്യത്തിൽ നിറയുന്നത്.
മോഹൻലാലിന്റെ വളർത്തു നായയായ സിമ്പ ഇതിനകം തന്നെ ആരാധകർക്ക് സുപരിചിതനാണ്. സിമ്പയ്ക്ക് ഒപ്പമുള്ള ചിത്രങ്ങളും വൈറലാകാറുണ്ട്. ഇപ്പോഴിതാ, മലൈക്കൊട്ടെ വാലിബന്റെ തിരക്കുകൾക്ക ശേഷം സിമ്പയ്ക്കൊപ്പമുള്ള ചിത്രം പങ്കുവെച്ചിരിക്കുകയാണ് മോഹൻലാൽ. ‘സിമ്പ ഒരു തമാശ പറഞ്ഞപ്പോൾ’ എന്നാണ് ചിത്രത്തിന് താരം ക്യാപ്ഷൻ നൽകിയിരിക്കുന്നത്. തന്റെ വളർത്തുനായയുടെ അടുത്തിരുന്ന് പൊട്ടിച്ചിരിക്കുന്ന മോഹൻലാലിനെ ഫോട്ടോയിൽ കാണാം.
ചിത്രം പങ്കുവെച്ച് നിമിഷ നേരങ്ങൾക്കുള്ളിൽ തന്നെ സമൂഹമാദ്ധ്യമത്തിൽ വൈറലായി കഴിഞ്ഞു. ‘നല്ല ടീമിന്റെ കൂടെ വർക്ക് ചെയ്ത ഒരു എനർജിയും പോസിറ്റീവിറ്റിയും കാണാൻ ഉണ്ട് ആ മുഖത്ത്, ലാലേട്ടനും നായ്ക്കളും തമ്മിലുള്ള ഒരു പ്രണയകഥയുണ്ട്, ഒരിക്കലും അവസാനിക്കാത്ത ഒരു പ്രണയകഥ’, എന്നിങ്ങനെ നിരവധി കമന്റുകളാണ് ചിത്രത്തിന് ലഭിക്കുന്നത്.
Comments