ഫുട്ബോൾ ലോകത്തെ ഞെട്ടിച്ച് ലയണൽ മെസിയുടെ ചുവട് മാറ്റത്തിന് ദിവസങ്ങൾക്ക് പിന്നാലെ വീണ്ടുമൊരു വമ്പൻ സൈനിംഗിന് ഒരുങ്ങി ഡേവിഡ് ബെക്കാമിന്റെ ഇന്റർ മിയാമി. ബാഴ്സയുടെ ഏക്കാലത്തെയും മികച്ച പ്ലേമേക്കർമാരിൽ ഒരാളെയാണ് മെസിക്കൊപ്പം പന്ത് തട്ടാൻ അമേരിക്കയിലെത്തിക്കുന്നത്. രണ്ടുവർഷത്തെ കരാറിലാകും താരം അമേരിക്കയിൽ പന്തുതട്ടുകയെന്നാണ് വിവരം
മെസിയുടെ ഉറ്റ സുഹൃത്തായ സെർജിയോ ബുസ്കെറ്റസാണ് ബാഴ്സലോണയ്ക്കൊപ്പമുള്ള 18 വർഷം നീണ്ട യാത്രയ്ക്ക് വിരാമമിട്ട് അമേരിക്കയിലേക്ക് ചേക്കേറുന്നത്. ബാഴ്സലോണയ്ക്കായി ഇതുവരെ 719 മത്സരങ്ങൾ കളിച്ചിട്ടുള്ള അദ്ദേഹം ക്ലബ്ബിലെ എക്കാലത്തേയും മികച്ച താരങ്ങളുടെ പട്ടികയിൽ ലയണൽ മെസിക്കും സാവിക്കും പിന്നിൽ മൂന്നാമതാണ്.
താരത്തിന്റെ സൈനിംഗ് ഉടൻ പൂർത്തിയാക്കും.ബാഴ്സ്ക്കൊപ്പം ലാലിഗ കിരീടങ്ങൾ, ഏഴ് കോപ്പ ഡെൽ റെ, ഏഴ് സപാനിഷ് സൂപ്പർ കപ്പുകൾ, മൂന്ന് ചാമ്പ്യൻസ് ലീഗ് എന്നിവയടക്കം 31 ട്രോഫികൾ കൈപ്പിടിയിലൊതുക്കിയാക്കാണ് താരത്തിന്റെ വരവ്.
Comments