മലയാളികളുടെ പ്രിയതാരമാണ് രമേഷ് പിഷാരടി. ഹാസ്യ താരമായും നടനും സംവിധായകനുമായും തിളങ്ങിയ താരമാണ് പിഷാരടി. താരത്തിന്റെ സ്റ്റേജ് ഷോകൾക്കാണ് കൂടുതൽ ആരാധകർ ഉള്ളത്. വേദികളിൽ മികച്ച കൗണ്ടറുകൾ നിരത്തി ആരാധാകരെ കുടുകുടെ ചിരിപ്പിക്കാനുള്ള ഒരു അസാധ്യ കഴിവു തന്നെ താരത്തിനുണ്ട്. ഇത്തരത്തിൽ വേദിയിൽ തനിക്ക് കിട്ടുന്ന താരങ്ങളോട് രസകരമായ ചോദ്യങ്ങൾ അദ്ദേഹം ചോദിക്കാറുണ്ട്. ഹാസ്യം നിറച്ചുവെച്ച ഇത്തരം ചോദ്യങ്ങൾക്ക് മറുപടി പറയുക കുറച്ച് പ്രയാസമാണ്.
ഇപ്പോഴിതാ മോഹൻലാലിനൊപ്പമുള്ള പിഷാരടിയുടെ ഒരു രസകരമായ വീഡിയോയാണ് വൈറലാകുന്നത്. മഹാനടനോട് പിഷാരടി ഒരു ചോദ്യവും ചോദിക്കുന്നുണ്ട്. ‘മലയാളത്തിൽ ഇന്നോളം പുറത്തിറങ്ങിയതിൽ ഏറ്റവും ചെറിയ പല്ലവിയുള്ള ഗാനമേത് ‘. ഇതായിരുന്നു മോഹൻലാലിനോട് അദ്ദേഹം ചോദിച്ച ചോദ്യം. ഉടൻതന്നെ ഞാൻ അഭിനയിച്ച ചിത്രമാണോയെന്നാണ് മോഹൻലാലിന്റെ മറുചോദ്യവും. ഒപ്പം ഒരു ക്ലൂവും മോഹൻലാൽ ചോദിക്കുന്നുണ്ട്.
‘പുരാണവുമായി ഈ പാട്ടിന് ബന്ധമുണ്ടെന്നും രാമായണത്തിൽ ഹനുമാൻ സീതാദേവിയെ കാണാൻ ചെന്നപ്പോൾ പറഞ്ഞ കാര്യങ്ങളുമായി ഈ പാട്ടിനൊരു ബന്ധമുണ്ടെന്നും പറയുന്നു’. അതിൽ നിന്ന് തന്നെ മോഹൻലാൽ ഉത്തരം കണ്ടുപിടിച്ചു. ‘ സുഖമോ ദേവീ ‘ ആണ് ആ ഗാനം. നാലു പ്രാവിശ്യം സുഖമോ ദേവി എന്നു പറഞ്ഞാൽ ആ പല്ലവി കഴിഞ്ഞെന്ന് പിഷാരടിയുടെ മറുപടി.
1986ൽ പുറത്തിറങ്ങിയ ‘സുഖമോ ദേവി’ എന്ന ചിത്രത്തിലെ ഗാനമാണിത്. ഒ എൻ വി കുറുപ്പിന്റെ വരികൾക്ക് രവീന്ദ്രൻ മാഷിന്റെ സംഗീതത്തിൽ പിറന്ന ഗാനമാണ് സുഖമോ ദേവി. യേശുദാസ് ആണ് ഗാനം ആലപിച്ചിരിക്കുന്നത്.
Comments