തെലുങ്ക് സൂപ്പർതാരം രാംചരണിനും ഭാര്യ ഉപാസനയ്ക്കും ചൊവ്വാഴ്ചയാണ് പെൺകുഞ്ഞ് ജനിച്ചത്. ഇതിന് പിന്നാലെ സംഗീത സംവിധായകനും ഗായകനുമായ കാല ഭൈരവ രാമചരണിന്റെ കുഞ്ഞിനായി ഒരു ഗാനം ഒരുക്കിയിരിക്കുകയാണ്. രാംചരൺ തന്നെയാണ് സമൂഹമാദ്ധ്യമത്തിലൂടെ ഇക്കാര്യം അറിയിച്ചത്. സംഗീതജ്ഞന് നന്ദി അറിയിച്ച് ഗാനം രാം ചരൺ വീഡിയോയും കുറിപ്പും പങ്കുവെച്ചിട്ടുണ്ട്. അക്കാദമി പുരസ്കരാം നേടിയ ആർആർആർലെ നാട്ടു നാട്ടു എന്ന ഗാനം ആലപിച്ചത് കാല ഭൈരവയായിരുന്നു.
“ഞങ്ങൾക്കു വേണ്ടി ഈ ഈണം ഒരുക്കിയതിന് നന്ദി കാല ഭൈരവ. ലോകത്തുള്ള കുട്ടികളിലേക്ക് ഈ മെലഡി സന്തോഷം കൊണ്ടുവരുമെന്ന് ഞങ്ങൾക്ക് ഉറപ്പാണ്.” രാം ചരൺ കുറിച്ചു.
പതിനൊന്ന് വർഷത്തെ കാത്തിരിപ്പിന് ശേഷമാണ് ഇരുവർക്കും ആദ്യത്തെ കൺമണി പിറന്നത്. ഹൈദരാബാദിലെ ജൂബിലി ഹിൽസിലെ അപ്പോളോ ആശുപത്രിയിലാണ് ഉപാസന പെൺകുഞ്ഞിന് ജന്മം നൽകിയത്. കഴിഞ്ഞ ഡിസംബറിലാണ് ഉപാസന അമ്മയാകാൻ തയാറെടുക്കുകയാണെന്ന വിവരം ആരാധകരെ അറിയിക്കുന്നത്. കഴിഞ്ഞ ആഴ്ച ഉപാസന തന്റെ ഇൻസ്റ്റാഗ്രാം അക്കൗണ്ടിലൂടെ ഹൈദരാബാദിലെ ജൂബിലി ഹിൽസിലെ അപ്പോളോ ഹോസ്പിറ്റലിൽ നിന്നുള്ള ചിത്രം പങ്കുവെച്ചിരുന്നു. വളരെ സ്പെഷ്യൽ ആയ ഒന്ന് ഉടൻ വരുന്നുവെന്നായിരുന്നു ചിത്രത്തോടൊപ്പം ഉപാസന കുറിച്ചത്.
Comments