എമേർജിംഗ് ഏഷ്യാ കപ്പിൽ ഇന്ത്യൻ പെൺപുലികളുടെ തേരോട്ടം. ഫൈനലിൽ ബംഗ്ലാദേശിനെ എറിഞ്ഞൊതുക്കി കിരീടം സ്വന്തമാക്കി. 31 റൺസിനാണ് ഇന്ത്യയുടെ വിജയം. ഇന്ത്യ ഉയർത്തിയ 128 റൺസ് എന്ന താരതമ്യേന ചെറിയ വിജയ ലക്ഷ്യം പിന്തുടർന്ന് ഇറങ്ങിയ ബംഗ്ലാദേശിന് അടിതെറ്റുകയായിരുന്നു.
96 റൺസ് എടുക്കാനെ ബംഗ്ലാ താരങ്ങൾക്കായുള്ളു. ബംഗ്ലാദേശിന്റെ മൂന്ന് താരങ്ങൾ മാത്രമെ രണ്ടക്കം കണ്ടുള്ളൂ. ഇന്ത്യക്ക് വേണ്ടി ശ്രെയങ്ക പാട്ടിൽ നാലു വിക്കറ്റും, മന്നത് കശ്യപ്പ് മൂന്ന് വിക്കറ്റും വീഴ്‌ത്തി.ആദ്യം ബാറ്റു ചെയ്ത ഇന്ത്യൻ പെൺകുട്ടികൾക്ക് ബാറ്റിംഗിൽ നിരാശ ആയിരുന്നു ആദ്യം ബാറ്റു ചെയ്ത ഇന്ത്യക്ക് 127/7 എന്ന സ്‌കോർ മാത്രമെ സ്‌കോർ ബോർഡിൽ ചേർക്കാനായുള്ളു. 36 റൺസ് എടുത്ത ദിനേശ് വൃന്ദയും 30 റൺസ് എടുത്ത കനിക അഹുജയും മാത്രമാണ് ബാറ്റു കൊണ്ട് കാര്യമായി തിളങ്ങിയത്.
22 റൺസ് എടുത്ത ഛേത്രി, 13 റൺസ് എടുത്ത ശ്വേത എന്നിവരാണ് രണ്ടക്കം കണ്ട മറ്റു താരങ്ങൾ. ഫീൾഡിംഗിൽ ഇന്ത്യ മികച്ചു നിന്നതിന് മികച്ച ക്യാച്ചുകളായിരുന്നു ഉദാഹരണം. അത്യുഗ്രൻ ഡൈവിംഗ് ക്യാച്ചോടെ അഹൂജയാണ് ബംഗ്ലാദേശ് ഇന്നിംഗിസിന് അടിവരയിട്ടത്.
