തിരുവനന്തപുരം: അന്താരാഷ്ട്ര യോഗ ദിനാചരണത്തോടനുബന്ധിച്ച് തിരുവനന്തപുരത്ത് നടന്ന പരിപാടിയിൽ യോഗ അഭ്യസിച്ച് ബിജെപി സംസ്ഥാന അദ്ധ്യക്ഷൻ കെ സുരേന്ദ്രൻ.
തിരുവനന്തപുരം ജില്ലാ അദ്ധ്യക്ഷൻ വി.വി രജേഷ്, തുടങ്ങി നിരവധി പ്രമുഖർ പരിപാടിയിൽ പങ്കെടുത്തു. യോഗ ദിനത്തിൽ രാജ്യത്തുടനീളം നിരവധി യോഗാഭ്യാസ പരിപാടികളാണ് നടന്നത്.
ഹരിയാനയിൽ ബിജെപി ദേശീയ അദ്ധ്യക്ഷൻ ജെ പി നദ്ദയുടെ നേതൃത്വത്തിൽ യോഗ സംഘടിപ്പിച്ചു.
ഐഎൻഎസ് വിക്രാന്തിലായിരുന്നു കേന്ദ്ര പ്രതിരോധ മന്ത്രി രാജ്നാഥ് സിംഗ് യോഗാഭ്യാസം നടത്തിയത്. നാവികസേന മേധാവി അഡ്മിറൽ ആർ. ഹരികുമാറിനൊപ്പമാണ് കേന്ദ്രമന്ത്രി യോഗ അഭ്യസിച്ചത്. ചടങ്ങിൽ 12-ഓളം രാജ്യങ്ങളിൽ നിന്നുള്ള പ്രതിനിധികൾ പങ്കെടുത്തു.
അന്താരാഷ്ട്ര യോഗാ ദിനാചരണത്തിന്റെ ഭാഗമായി ന്യൂയോർക്കിലെ ഐക്യരാഷ്ട്രസഭ ആസ്ഥാനത്ത് പ്രധാനമന്ത്രി നരേന്ദ്രമോദിയുടെ നേതൃത്വത്തിലായിരുന്നു യോഗാഭ്യാസം നടന്നത്. 180 ലധികം രാജ്യങ്ങളിൽ നിന്നുള്ള പ്രതിനിധികൾ യുഎൻ ആസ്ഥാനത്ത് നടന്ന ആഘോഷത്തിൽ പങ്കെടുത്തുരുന്നു. യോഗയുടെ ഉത്ഭവം ഇന്ത്യയിലാണെന്നും ഭാരതത്തിന്റെ പാരമ്പര്യമാണ് യോഗയെന്നും പ്രധാനമന്ത്രി പറഞ്ഞു.
;
Comments