പാലക്കാട്: ആരോഗ്യവും വയസും പരിഗണിച്ച് തനിക്ക് ജാമ്യം അനുവദിക്കണമെന്ന് കെ.വിദ്യ കോടതിയിൽ. മണ്ണാർക്കാട് കോടതിയിൽ നൽകിയ ജാമ്യാപേക്ഷയിലാണ് വിദ്യ ഈ കാര്യങ്ങൾ പറഞ്ഞത്. താനൊരു സ്ത്രീയാണെന്നതും പരിഗണിക്കണം. മഹാരാജാസ് കോളേജിൽ നിന്ന് പിജിയ്ക്ക് റാങ്ക് നേടിയാണ് താൻ വിജയിച്ചത്. വ്യാജരേഖ ഉണ്ടാക്കേണ്ട യാതൊരു ആവശ്യവും തനിക്കില്ല. തന്നെ മാദ്ധ്യമങ്ങൾക്ക് ഇട്ടുകൊടുക്കരുതെന്നും വിദ്യ ജാമ്യാപേക്ഷയിൽ പറയുന്നു.
എന്നാൽ വ്യാജരേഖയുണ്ടാക്കിയെന്ന് വിദ്യ സമ്മതിച്ചതായി പ്രോസിക്യൂട്ടർ വാദിച്ചു. ഈ വ്യാജരേഖ കേസ് വന്നപ്പോൾ നശിപ്പിച്ചുവെന്നും വിദ്യയുടെ മൊഴിയുണ്ടെന്നും അതിനാൽ മൊഴിയുടെ വസ്തുത കണ്ടെത്തണമെന്നും പ്രോസിക്യൂഷൻ ആവശ്യപ്പെട്ടു. കേസിന്റെ തുടക്കത്തിൽ വിദ്യ ഒളിവിൽ പോയെന്നും സർട്ടിഫിക്കറ്റിന്റെ ഒറിജനൽ അന്യായക്കാരിയുടെ കയ്യിലാണെന്നും പ്രോസിക്യൂഷൻ വാദിച്ചു. വ്യാജ സർട്ടിഫിക്കറ്റ് എവിടെ ഉണ്ടാക്കി എന്നതിനെക്കുറിച്ചും അന്വേഷണം നടത്തണമെന്നും പ്രോസിക്യൂഷൻ വാദിച്ചു.
എന്നാൽ നോട്ടീസ് നൽകാനായി വിദ്യ വീട്ടിലുണ്ടായിരുന്നില്ലെന്നായിരുന്നു എന്നായിരുന്നു പബ്ലിക് പ്രോസിക്യൂട്ടറുടെ വാദം. പിടികൂടിയപ്പോൾ സുപ്രീം കോടതി നിർദ്ദേശം പൊലീസ് പാലിച്ചില്ലെന്നും വിദ്യ കുറ്റപ്പെടുത്തി. അർണേശ് കുമാർ കേസിലെ സുപ്രീംകോടതി വിധി കൂടി പരിഗണിച്ച് ജാമ്യം നൽകണമെന്നും അഭിഭാഷകൻ വാദിച്ചു.
ചോദ്യം ചെയ്യലിനിടെ വിദ്യ കുറ്റം സമ്മതിച്ചതായാണ് ലഭിക്കുന്ന സൂചന. എന്നാൽ കേസിൽ വിദ്യയെ ജാമ്യത്തിന് വിടാനാണ് സാദ്ധ്യത.
