ലക്ഷക്കണക്കിന് ആരാധകരുള്ള താരമാണ് ഖുശ്ബു സുന്ദർ. വിവിധ ഭാഷകളിലായി 200-ലധികം ചിത്രങ്ങളിൽ അഭിനയിച്ച നടി, മികച്ച സാമൂഹിക പ്രവർത്തക കൂടിയാണ്. ദേശീയ വനിതാ കമ്മീഷൻ അംഗമെന്ന നിലയിലും പൊതുരംഗത്ത് സജീവമാണ്. അടുത്തിടെ, കടുത്ത പനിയും ക്ഷീണവും കാരണം താൻ ആശുപത്രിയിലാണ്് എന്ന വിവരം സമുഹമാദ്ധ്യമങ്ങളിൽ നടി പങ്കുവെച്ചിരുന്നു. ആശുപത്രിയിൽ നിന്നുള്ള ഫോട്ടോകളും താരം പോസ്റ്റ് ചെയ്തിരുന്നു. ആരോഗ്യം ഗൗരവമായി കാണണമെന്നും ശരീരം തരുന്ന സൂചനകളൊന്നും അവഗണിക്കരുതെന്നും ഖുശ്ബു കുറിച്ചിരുന്നു.
ഇപ്പോൾ ആശുപത്രി കിടക്കയിൽ നിന്ന് മറ്റൊരു ചിത്രം പോസ്റ്റ് ചെയ്തിരിക്കുകയാണ് നടി. തന്റെ കൊക്കിക്‌സ് എല്ലിന് (ടെയിൽ ബോൺ) വീണ്ടും ശസ്ത്രക്രിയ നടത്തി. അത് പൂർണ്ണമായും സുഖപ്പെടുമെന്ന് പ്രതീക്ഷിക്കുന്നതായും അവർ പറഞ്ഞു. ആരാധകരുടെ പ്രാർത്ഥനകൾക്കും ആശംസകൾക്കും നന്ദി അറിയിക്കുകയും ചെയ്തു താരം
‘വീണ്ടെടുപ്പിന്റെ വഴിയിൽ എന്നാണ് താരം ട്വിറ്ററിൽ കുറിച്ചത്. നിരവധി പേരാണ് പോസ്റ്റിന് കമന്റ് ചെയ്തിരിക്കുന്നത്. ആരോഗ്യപ്രശ്‌നങ്ങൾ ഉണ്ടായാലും ഖുശ്ബു ഒരിക്കലും സിനിമയിൽ നിന്ന് മാറി നിൽക്കാറില്ല. വാരിസു, രാമബാണം എന്നീ ചിത്രങ്ങളിലാണ് ഖുശ്ബു സുന്ദർ അവസാനം അഭിനയിച്ചത്.
