വളർത്തുമൃഗങ്ങളിൽ വളരെയധികം കനിവും സ്നേഹവുമുള്ള ഇനമാണ് നായക്കുട്ടികൾ. വളർത്തുമൃഗങ്ങളോടുള്ള ഉടമയുടെ സ്നേഹ വാത്സല്യവും വളരെ വലുതാണ്. ഇപ്പോഴിതാ വളർത്തുനായയുടെയും ഉടമയുടെയും സ്നേഹം തുളുമ്പുന്ന ഒരു വീഡിയോ ആണ് സമൂഹമാദ്ധ്യമങ്ങളിൽ വൈറലായിരിക്കുന്നത്. മൂന്ന് വർഷത്തിന് ശേഷം തന്റെ ഉടമയുടെ പക്കലെത്തിയ നായക്കുട്ടിയുടെ ആഹ്ലാദ പ്രകടനങ്ങളാണ് വീഡിയോയിലുള്ളത്. റിയൽകിംഗ്സ്ഗീവ് എന്ന ജനപ്രിയ ഇൻസ്റ്റഗ്രാം അക്കൗണ്ടിലൂടെയാണ് വീഡിയോ പങ്കുവെച്ചിരിക്കുന്നത്.
വീഡിയോ പങ്കുവെച്ച് നിമിഷങ്ങൾക്കുള്ളിൽ തന്നെ വീഡിയോ വൈറലാകുകയായിരുന്നു. പത്ത് ലക്ഷത്തിലധികം ലൈക്കുകളാണ് ഇതിനോടകം തന്നെ വീഡിയോയ്ക്ക് ലഭിച്ചിട്ടുള്ളത്. നിരവധി കമന്റുകളാണ് വീഡിയോയ്ക്ക് താഴെ കമന്റ് ചെയ്തിരിക്കുന്നത്. ‘മനുഷ്യരും മൃഗങ്ങളും തമ്മിലുള്ള വ്യത്യാസം, മൃഗങ്ങൾക്ക് സ്നേഹം നടിയ്ക്കാൻ കഴിയില്ല എന്നതാണ്’ എന്നായിരുന്നു ഒരാൾ വീഡിയോയ്ക്ക് താഴെ കമന്റു ചെയ്തിരിക്കുന്നത്.
നായക്കുട്ടിയ്ക്ക് മുന്നിലേയ്ക്ക് ഉടമ വന്നിറങ്ങുമ്പോഴുള്ള ആഹ്ലാദ പ്രകടനമാണ് വീഡിയോയിൽ ദൃശ്യമായിരിക്കുന്നത്. ഉടമയെ കാണുന്നതോടെ നായ ചാടിയിറങ്ങാൻ ഗയിറ്റിന് മുന്നിൽ ഉൾപ്പെടെ ചെന്ന് തിടുക്കം കാട്ടുന്നു. ഗെയിറ്റ് തുറന്നതോടെ ഓടി ഉടമയുടെ പക്കലെത്തിയ ശേഷമുള്ള നായയുടെ സ്നേഹ പ്രകടനം വീഡിയോ കണ്ടവരുടെയെല്ലാം കണ്ണു നനയിച്ചു.
