കൊല്ലൂർ മൂകാംബിക ക്ഷേത്രം ഉൾപ്പെടെ കർണാടകയിലെ 358 ക്ഷേത്രങ്ങളിൽ ദർശനം നടത്താൻ ക്യൂ നിൽക്കേണ്ട. 65 വയസ് കഴിഞ്ഞവർക്കാണ് ഇത്. മുതിർന്ന പൗരന്മാർക്ക് ക്യൂവിൽ നിൽക്കാനുള്ള ശാരീരിക ബുദ്ധിമുട്ട് പരിഗണിച്ചാണ് നടപടി.
കൊല്ലൂർ മൂകാംബിക, മൈസൂരു ചാമുണ്ഡേശ്വരി, കൂക്കെ സുബ്രഹ്മണ്യ പോലുള്ള 202 എ കാറ്റഗറി ക്ഷേത്രങ്ങളിലും 156 ബി കാറ്റഗറി ക്ഷേത്രങ്ങളിലുമാണ് സൗകര്യം. പ്രായം തെളിയ്ക്കുന്ന രേഖകൾ മാത്രമാണ് ഇതിന് ആവശ്യം. ഓൾ ഇന്ത്യ ഹിന്ദു ടെമ്പിൾസ് അർച്ചക ഫെഡറേഷന്റെ ആവശ്യം പരിഗണിച്ചാണ് നടപടി.
