സ്റ്റോക്ഹോം ; സ്വീഡനിൽ പെരുന്നാൾ ദിനത്തിൽ മസ്ജിദിനു മുന്നിൽ ഖുറാൻ കത്തിച്ചത് നിയമവിരുദ്ധമല്ലെന്ന് നാറ്റോ മേധാവി ജെൻസ് സ്റ്റോൾട്ടൻബർഗ് . അത് അഭിപ്രായസ്വാതന്ത്യ്രത്തിന്റെ ഭാഗമാണെന്നും ജെൻസ് സ്റ്റോൾട്ടൻബർഗ് പറഞ്ഞു. ഖുറാൻ കത്തിച്ച സംഭവത്തിൽ വൻ പ്രതിഷേധമുയരുമ്പോഴാണ് നാറ്റോ മേധാവിയുടെ പുതിയ പ്രസ്താവന .
സംഭവം തനിക്ക് ഇഷ്ടപ്പെട്ടില്ല, എന്നാൽ വിയോജിപ്പിനുള്ള അവകാശമാണ് താൻ സംരക്ഷിക്കുന്നതെന്നും നാറ്റോ മേധാവി പറഞ്ഞു. എന്നാൽ, ഖുറാൻ കത്തിക്കുന്നവരും അത് അനുവദിക്കുന്നവരെപ്പോലെ തന്നെ കുറ്റക്കാരാണെന്ന് തുർക്കി പ്രസിഡന്റ് ത്വയിബ് ഉർദുഗാൻ പറഞ്ഞു.
അതേസമയം സ്വീഡനെ നാറ്റോയുടെ ഭാഗമാക്കുന്നതിനെ കുറിച്ചും നാറ്റോ മേധാവി സംസാരിച്ചു . തുർക്കിയാണ് സ്വീഡന്റെ നാറ്റോയിലേക്കുള്ള പ്രവേശനം വീറ്റോ ചെയ്തുകൊണ്ട് ആവർത്തിച്ച് തടയുന്നത് . കുർദിഷ് വിമതരെ സ്വീഡൻ സംരക്ഷിക്കുന്നുവെന്നാണ് തുർക്കി ആരോപിക്കുന്നത്. കുർദുകളെ തീവ്രവാദികളായിട്ടാണ് തുർക്കി കണക്കാക്കുന്നതെന്നും അദ്ദേഹം പറഞ്ഞു.
Comments