മലയാള സിനിമ താരങ്ങളോടുള്ളതു പോലെ താരകുടുംബങ്ങളോടും ആരാധകർക്ക് ഒരു പ്രത്യേക ഇഷ്ടമാണ്. താര പുത്രനാണെങ്കിൽ പോലും സാധാരണക്കാരനായി ജീവിച്ച് പ്രേക്ഷകരുടെ ഹൃദയങ്ങളിൽ ചേക്കേറിയ താരമാണ് പ്രണവ് മോഹൻലാൽ. മലയാളികളുടെ സ്വകാര്യ അഹങ്കാരമായ താരരാജാവിന്റെ മകനായിട്ടും അച്ഛന്റെ പിന്തുണയില്ലാതെ സിനിമയിലെത്തിയ പ്രണവ് ചുരുക്കം ചില കഥാപാത്രങ്ങൾ മാത്രമേ ചെയ്തിട്ടുള്ളൂവെങ്കിലും വെള്ളിത്തിരയിൽ തന്റേതായ ഇടം സൃഷ്ടിച്ചെടുക്കാൻ കഴിഞ്ഞ യുവനടനാണ്.
താരപരിവേഷങ്ങളില്ലാതെ കാടും മലയും താണ്ടി നടക്കുന്ന ഒരു സാധാരണക്കാരനായി പ്രണവിനെ കാണുമ്പോൾ ആദ്യമൊക്കെ എല്ലാവർക്കും അത്ഭുതമായിരുന്നു. അഭിനയം പാഷൻ ആയിരുന്നില്ല പ്രണവിന് ഒരിക്കലും, ഈ യാത്രകളുമായി നടക്കാൻ തന്നെയാണ് അപ്പുവിന് ഇഷ്ടം എന്ന് ലാലേട്ടൻ തന്നെ പല തവണ പറഞ്ഞിട്ടുമുണ്ട്. എന്നാൽ പ്രണവിനേക്കാൾ സിമ്പിൾ ആണ് മോഹൻലാൽ എന്ന് വെളിപ്പെടുത്തുകയാണ് സംവിധായകൻ സുരേഷ് കൃഷ്ണൻ. സിനിമാ സെറ്റിലും മറ്റും മറ്റെല്ലാവരെയും പോലെ തന്നെ ഉള്ള സൗകര്യങ്ങളിൽ കഴിയുന്ന മോഹൻലാലിനെക്കുറിച്ച് സുരേഷ് ഒരു അഭിമുഖത്തിൽ പറഞ്ഞ വാക്കുകൾ ആണ് ഇപ്പോൾ സമൂഹമാദ്ധ്യമങ്ങളിൽ ശ്രദ്ധ നേടുന്നത്.
‘എല്ലാരും പറയാറുണ്ട്, അവന് ശാന്ത സ്വാഭാവമാണ്, ഒരു പാ വിരിച്ചു കൊടുത്താൽ അവിടെ കിടക്കും എന്നൊക്കെ. ലാലേട്ടനെ അറിയാത്തതു കൊണ്ടാണ് നിങ്ങൾ ഇതൊക്കെ പറയുന്നത്. ലാലേട്ടൻ ഇതിന്റെ അപ്പുറം ആണ്. ലൊക്കേഷനിൽ എവിടെയെങ്കിലും കിടന്നുറങ്ങണം എന്നുണ്ടെങ്കിൽ, ഇപ്പോഴല്ലേ കാരവൻ ഒക്കെ വന്നത്. ഇനി കാരവാൻ ഇല്ലെങ്കിൽ തന്നെ, ആ പുലിമുരുകന്റെ ഒക്കെ ഷൂട്ടിംഗ് നടക്കുന്ന ഇടത്തൊക്കെ തന്നെ ലാലേട്ടൻ ഒരു പാ വിരിച്ചിട്ടാണ് അവിടെയൊക്കെ കിടക്കുന്നത്. അത് പോലെ, അറബിയും ഒട്ടകവും ഷൂട്ടിംഗ് നടന്നപ്പോൾ മരുഭൂമിയിൽ ചെറിയ ഒരു പാ വിരിച്ച് കെട്ടിയിട്ട് അതിന്റെ അടിയിൽ പോയി ഇരിക്കും.
ലാലേട്ടനെ അറിയാത്തത് കൊണ്ടാണ് അപ്പു ഇത്രയും സിമ്പിൾ ആണ് എന്ന് പറയുന്നത്. ലാലേട്ടൻ അതിനേക്കാളും സിമ്പിളാ. അപ്പോൾ ആ അച്ഛന് ഉണ്ടായ മകൻ വേറെ എങ്ങനെയിരിക്കും?’- സുരേഷ് കൃഷ്ണൻ പറഞ്ഞു.
Comments