പഴയ ചലച്ചിത്രങ്ങൾക്ക് പ്രചാരം ഏറുമ്പോൾ ചിത്രങ്ങൾ പുതുക്കി വീണ്ടും തിയേറ്റർ റിലീസിനെത്തുന്നത് നമ്മൾ കണ്ടിട്ടുണ്ട്. മൊബൈൽ ഫോണുകളുടെ കാര്യത്തിലും ഇത്തരം സംഭവങ്ങൾ സ്വാഭാവികമാണ്. 2022 ജനുവരിയിൽ പുറത്തിറങ്ങിയ സാംസംഗ് ഗാലക്സി എസ്21 എഫ്ഇ 5ജി സ്മാർട്ട്ഫോണിന്റെ ജനപ്രീതി പരിഗണിച്ച് ഇതിനെ പുതുക്കി അവതരിപ്പിച്ചിരിക്കുകയാണ് കമ്പനി. പുതിയ ചിപ്പ് സെറ്റുമായി പുറത്തിറങ്ങിയ ഈ സ്മാർട്ട്ഫോണിൽ പ്രോസസർ ഒഴികെയുള്ള മറ്റെല്ലാ സവിശേഷതകളും പഴയ മോഡലിന് സമാനമാണ്.
2023 സാംസംഗ് ഗാലക്സി എസ്21 എഫ്ഇ 5ജി സവിശേഷതകൾ
ഗ്രാഫൈറ്റ്, ലാവെൻഡർ, ഒലിവ്, വൈറ്റ് എന്നിങ്ങനെ മൂന്ന് കളറുകൾക്ക് പുറമെ നേവി കളർ വേരിയന്റോടു കൂടി എത്തുന്ന പുതിയ ഗാലക്സി പതിപ്പിൽ 8ജിബി റാമും 256 ജിബി സ്റ്റോറേജുമാമുള്ളത്. 49,999 രൂപയാണ് വില. ഇപ്പോൾ ഫോൺ വാങ്ങുന്നവർക്ക് 5000 രൂപ ബാങ്ക് ഡിസ്ക്കൗണ്ടും സാംസംഗ് നൽകുന്നുണ്ട്. സാംസംഗ്് ഗാലക്സി എസ്21 എഫ്ഇ 5ജി 2023 പതിപ്പിൽ ക്വാൽകോമിന്റെ ഒക്ടാ കോർ സ്നാപ്ഡ്രാഗൺ 888 എസ്ഒസിയാണുള്ളത്. സാംസംഗ് ഗാലക്സി എസ്21 എഫ്ഇ 5ജി 2023 പതിപ്പിൽ കോർണിംഗ് ഗൊറില്ല ഗ്ലാസ് വിക്റ്റസ് പ്രൊട്ടക്ഷനുള്ള 6.4 ഇഞ്ച് ഫുൾ-എച്ച്ഡി+ ഡൈനാമിക് അമോലെഡ് 2x ഡിസ്പ്ലേയാണുള്ളത്. ഈ ഡിസ്പ്ലെയ്ക്ക് 120Hz റിഫ്രഷ് റേറ്റും 240Hz ടച്ച് സാമ്പിൾ റേറ്റുമുണ്ട്.
ക്യാമറ സവിശേഷതകൾ
പഴയ ക്യാമറ സെറ്റപ്പിൽ മാറ്റം വരുത്താതെ 12 മെഗാപിക്സൽ പ്രൈമറി ക്യാമറ, 12 മെഗാപിക്സൽ അൾട്രാ വൈഡ് ക്യാമറ, 8 മെഗാപിക്സൽ ടെലിഫോട്ടോ ക്യാമറ എന്നിവ തന്നെയാണ് ഡിവൈസിൽ അടങ്ങിയിട്ടുള്ളത്. 32 മെഗാപിക്സലിന്റെ ഫ്രണ്ട് ക്യാമറ വീഡിയോ കോളുകൾക്കും സെൽഫികൾക്കുമായി കമ്പനി നൽകിയിട്ടുണ്ട്.
ബാറ്ററിയും കണക്റ്റിവിറ്റിയും
സാംസംഗിന്റെ 2023 പതിപ്പിൽ യുഎസ്ബി ടൈപ്പ് സി , 5ജി, 4ജി എൽടിഇ, വൈഫൈ6, ബ്ലൂടൂത്ത് 5, എൻഎഫ്സി, വയർലസ് ഡിഇഎക്സ് തുടങ്ങി നിരവധി ഓപ്ഷനുകൾ ഉണ്ട്. റിവേഴ്സ് ചാർജിംഗ് സപ്പോർട്ടും 25W വയേഡ് ചാർജിംഗും, 15w വയർലെസ് ചാർജിംഗ് സപ്പോർട്ടുമുള്ള ഡിവൈസിൽ 4,500mAh ബാറ്ററിയാണുള്ളത്. ആക്സിലറോമീറ്റർ, ബാരോമീറ്റർ, ഗൈറോസ്കോപ്പ്, ജിയോമാഗ്നറ്റിക് സെൻസർ, ഹാൾ സെൻസർ, ലൈറ്റ് സെൻസർ, പ്രോക്സിമിറ്റി സെൻസർ എന്നിവയാണ് ഓൺബോർഡ് സെൻസറുകളായി സാംസംഗിന്റെ ഈ പുതിയ പതിപ്പിൽ വരുന്നത്.
