പാരീസ് : ഫ്രഞ്ച് പ്രസിഡന്റായ ഇമ്മാനുവൽ മാക്രോണിന് തപാൽ വഴി മനുഷ്യന്റെ വിരൽ ലഭിച്ചതായി റിപ്പോർട്ട്. പ്രസിഡന്റിന്റെ ഔദ്യോഗിക വസതിയായ പാരീസിലെ എലിസി കൊട്ടാരത്തിൽ ഫസ്റ്റ് ക്ലാസ് തപാൽ വഴിയാണ് പാക്കേജ് എത്തിച്ചത് .
എലിസി കൊട്ടാരത്തിലേക്ക് കൊണ്ടുവന്ന പാഴ്സലിന്റെ വിവരം പ്രസിഡൻഷ്യൽ ഹോമിലെ ഉദ്യോഗസ്ഥനാണ് പുറത്ത് വിട്ടത്. നടപടിക്ക് പിന്നിലെ കാരണം കണ്ടെത്താൻ അന്വേഷണം പുരോഗമിക്കുകയാണ് . ഇതുവരെ പ്രതിയെ തിരിച്ചറിഞ്ഞിട്ടില്ല. അതേസമയം ഇത് ഭീഷണി സന്ദേശത്തിനു തുല്യമാണെന്നാണ് സൂചന .
ഫ്രഞ്ച് പ്രസിഡന്റിന് വർഷങ്ങളായി ബുള്ളറ്റുകൾ ഉൾപ്പെടെ നിരവധി കാര്യങ്ങൾ ഇത്തരത്തിൽ ലഭിച്ചിട്ടുണ്ട് . എന്നാൽ ഛേദിക്കപ്പെട്ട ശരീരഭാഗം ഇതാദ്യമായാണ് വരുന്നത് . ജൂൺ 27 ന് പോലീസ് ഉദ്യോഗസ്ഥന്റെ വെടിയേറ്റ് നഹെൽ എന്ന 17 വയസ്സുള്ള ഡെലിവറി ഏജന്റിന്റെ മരണത്തെത്തുടർന്ന് ആരംഭിച്ച അക്രമാസക്തമായ പ്രതിഷേധങ്ങളെ തുടർന്ന് ഫ്രാൻസിലെ അന്തരീക്ഷം കലുഷിതമാണ്.
Comments