വളരെ ചുരുക്കം ചില സിനിമകൾ കൊണ്ടുതന്നെ മലയാളി മനസുകൾ കീഴടക്കിയ താരമാണ് വിദ്യ ഉണ്ണി. അമ്മയാകാനുള്ള തയ്യാറെടുപ്പിലാണ് താരം. ഗർഭിണിയായതിന് ശേഷവും ജിമ്മിൽ പോകുന്നതിനെക്കുറിച്ചും വ്യായാമം ചെയ്യുന്നതിനെക്കുറിച്ചുമെല്ലാമുള്ള വിശേഷങ്ങൾ താരം സമൂഹമാദ്ധ്യമങ്ങളിലൂടെ ആരാധകരുമായി പങ്കുവെയ്ക്കാറുണ്ടായിരുന്നു.
https://www.instagram.com/reel/Cus8m-It1lr/?utm_source=ig_web_copy_link
രജനികാന്ത് ചിത്രം ജയിലറിലെ സൂപ്പർഹിറ്റ് ഗാനം ‘കാവാല..’വൻ തരംഗം തീർത്തിരിക്കുകയാണ്. നിരവധി പേരാണ് തമന്നയുടെ ഐക്കോണിക് സ്റ്റെപ്പിന് ചുവടുവച്ച് രംഗത്തെത്തുന്നത്. ഇക്കൂട്ടത്തിലേക്ക് എത്തിയിരിക്കുകയാണ് നടി വിദ്യ ഉണ്ണി. സമൂഹ മാദ്ധ്യമത്തിൽ വെെറലാകുന്ന കാവാലയ്യാ ഡാൻസ് കളിക്കുന്ന വീഡിയോ പങ്കുവെച്ചിരിക്കുകയാണ് നടിയും.
നിറവയറിൽ അതീവ സുന്ദരിയായാണ് വിദ്യ ഉണ്ണി ‘കാവാലയ്യാ..’ഡാൻസ് കളിക്കുന്നത്. പിന്നാലെ കമന്റുകളുമായി ആരാധകരും രംഗത്തെത്തി. ദേ ചേച്ചി പിന്നേം, ഇതെന്താ പിടക്കണ മീനോ, സൂപ്പർബ് വിദ്യ’, എന്നിങ്ങനെ നിരവധി കമന്റുകളാണ് വരുന്നത്. നേരത്തെ ലിയോയിലെ പാട്ടിനും വിദ്യ ഡാൻസ് കളിച്ചിരുന്നു. ഇതും സമൂഹമാധ്യമങ്ങളിൽ ശ്രദ്ധപിടിച്ചു പറ്റിയിരുന്നു.
