പത്തനംതിട്ട: പത്തനംതിട്ടയിൽ 17-കാരിയെ കൂട്ടബലാത്സംഗത്തിന് വിധേയയാക്കിയ കേസിൽ ആറുപേർ പിടിയിൽ. പത്തനംതിട്ട അടൂരിലാണ് സംഭവം. പെൺകുട്ടിയുടെ കാമുകനും സുഹൃത്തുകളെയുമാണ് പോലീസ് കസ്റ്റഡിയിലെടുത്തത്. ചൈൽഡ് ലൈനിൽ ലഭിച്ച പരാതിയുടെ അടിസ്ഥാനത്തിൽ ജൂലൈ ആദ്യവാരം പോലീസ് എഫ്ഐആർ രജിസ്റ്റർ ചെയ്തിരുന്നു. തുടർന്ന് അന്വേഷണം ആരംഭിച്ചതിന് പിന്നാലെ ആരോപണവിധേയരായ കാമുകനും സുഹൃത്തുക്കളും ഒളിവിൽ പോയി. ഇവർക്ക് വേണ്ടി നടത്തിയ തിരച്ചിലിനൊടുവിൽ നാല് പേരെ ആലപ്പുഴയിൽ നിന്നും രണ്ട് പേരെ പത്തനംതിട്ടയിൽ നിന്നും പിടികൂടി. വിശദമായ ചോദ്യം ചെയ്യലിന് ശേഷം പ്രതികളുടെ അറസ്റ്റ് രേഖപ്പെടുത്തുമെന്ന് പോലീസ് അറിയിച്ചു.
