ആപ്പിൾ ആരാധകരാണോ നിങ്ങൾ? എങ്കിൽ നിങ്ങൾക്കൊരു സന്തോഷവാർത്തയുമായിട്ടാണ് ആപ്പിൾ വന്നിരിക്കുന്നത്. ആപ്പിളിന്റെ ഏറ്റവും പുതിയ എം3 ചിപ്പുള്ള മാക് കംപ്യൂട്ടർ ഒക്ടോബറിൽ വിപണിയിലെത്തുമെന്നാണ് പുറത്തുവരുന്ന വിവരം. അതിന് മുന്നോടിയായി ആപ്പിൾ വാച്ച് സിരീസ് 9, പുതിയ വാച്ച് അൾട്രാ, ഐഫോൺ 13 എന്നിവ സെപ്റ്റംബറിൽ ലോഞ്ചിന്റെ ഭാഗമായി എത്തും.
നിലവിലെ എം2 ചിപ്പ് സംവിധാനം
എം2 അൾട്ര പ്രൊസസർ എം2 അൾട്രായ്ക്ക് 24-കോർ സിപിയുവും 76-കോർ ജിപിയുമാണുള്ളത്. 192 ജിബി യൂണിഫൈഡ് മെമ്മറിയാണ് ഇതിന് ലഭിക്കുക. 76 ജിബി കോർ ജിപിയു ഉള്ളതിനാൽ വളരെ എളുപ്പത്തിൽ കംപ്യൂട്ടർ പ്രവർത്തിപ്പിക്കാൻ കഴിയുന്നു. ലോകത്ത് കിട്ടിയേക്കാവുന്ന ഗ്രാഫിക് കാർഡുകളിൽ ഏറ്റവും ശക്തികൂടിയ ഗ്രാഫിക് കാർഡാണ് ഇതിലുള്ളതെന്നാണ് കമ്പനി അവകാശപ്പെടുന്നത്.
പുതിയ എം 3 ചിപ്പിന്റെ സവിശേഷതകൾ
ചെറിയ ട്രാൻസിസ്റ്ററുകൾ പ്രവർത്തിപ്പിക്കാൻ കുറഞ്ഞ വൈദ്യുതി മാത്രം ആവശ്യമായി വരുന്ന എം 3 ചിപ്പ് 3 നാനോമീറ്റർ സിലിക്കൺ പ്രൊസസർ ഉപയോഗിച്ചാണ് നിർമിക്കുന്നത്. ഇത് മികച്ച പ്രോഗ്രാമിംഗ് പെർഫോമൻസും കൂടുതൽ ഊർജ്ജക്ഷമതയും നൽകുമെന്നാണ് ആപ്പിൾ പറയുന്നത്. ചെറിയ ട്രാൻസിസ്റ്ററുകളായതിനാൽ ഉപകരണം പെട്ടന്ന് ചൂടുപിക്കുന്നത് ഒഴിവാക്കുകയും കൂടുതൽ നേരം ബാറ്ററി നിലനിർത്തുകയും ചെയ്യുന്നു.
