ചെന്നൈ: തമിഴ്നാട് ബിജെപി അദ്ധ്യക്ഷൻ കെ. അണ്ണാമലൈ നയിക്കുന്ന പദയാത്ര ജൂലൈ 28-ന് ആരംഭിക്കും. ‘എൻ മണ്ണ് എൻ മക്കൾ’ എന്ന മുദ്രാവാക്യം ഉയർത്തി കൊണ്ട് രാമേശ്വരത്ത് നിന്നുമാണ് യാത്ര തുടക്കം കുറിക്കുന്നത്. ബിജെപിയുടെ പദയാത്ര തമിഴ് രാഷ്ട്രീയത്തെ ഇളക്കി മറിക്കുമെന്നാണ് വിലയിരുത്തപ്പെടുന്നത്. ഡിഎംകെയുടെ അഴിമതികൾ പുറത്തു കൊണ്ടുവന്നതും അണ്ണാമലൈ പദയാത്ര സംഘടിപ്പിക്കുന്നതും ഡിഎംകെയെയും സ്റ്റാലിൻ സർക്കാരിനെയും ഭയപ്പെടുത്തുന്നുണ്ട്. ഇപ്പോഴിതാ, പദയാത്രയുടെ കരുത്ത് ഉയർത്തി കാണിക്കുന്ന ഗാനം പുറത്തിറക്കിയിരിക്കുകയാണ് ബിജെപി.
ஆரம்பிக்கலாங்களா?🔥#EnMannEnMakkal pic.twitter.com/gfKV7hvwbY
— En Mann En Makkal (@EnMannEnMakkal) July 19, 2023
“>
പ്രധാനമന്ത്രി നരേന്ദ്രമോദിയുടെ പടത്തലവൻ കെ. അണ്ണാമലൈ നയിക്കുന്ന പദയാത്ര ജൂലൈ 28-ന് ആരംഭിക്കുന്നു എന്ന് പറഞ്ഞു കൊണ്ടാണ് ഗാനം ആരംഭിക്കുന്നത്. പുറത്തിറങ്ങി നിമിഷം നേരം കൊണ്ടു തന്നെ സമൂഹമാദ്ധ്യമങ്ങളിൽ ഗാനം വൈറലായി കഴിഞ്ഞു. കേന്ദ്ര ആഭ്യന്തരമന്ത്രി അമിത് ഷായാണ് യാത്ര ഉദ്ഘാടനം ചെയ്യുന്നത്. സംസ്ഥാനത്തെ 234 നിയമസഭാ മണ്ഡലങ്ങളിലുടെ കടന്നുപോകുന്ന പദയാത്ര ചെന്നൈയിൽ അവസാനിക്കും.
ലോക്സഭാ തിരഞ്ഞെടുപ്പിന് മുന്നോടിയായി എല്ലാ നിയോജക മണ്ഡലങ്ങളിലുമെത്തി കേന്ദ്രസർക്കാരിന്റെ ഒൻപത് വർഷത്തെ ഭരണനേട്ടങ്ങളെ കുറിച്ച് ജനങ്ങൾക്ക് മുന്നിൽ അവതരിപ്പിക്കുകയും ഡിഎംകെയുടെ അഴിമതി തുറന്നുകാട്ടുകയുമാണ് യാത്രയുടെ പ്രധാന ലക്ഷ്യം. ഓരോ സ്ഥലത്തും റാലിയെ നിയന്ത്രിക്കാന് 100-ലധികം വോളന്റിയര്മാരെ നിയമിച്ചിട്ടുണ്ട്.
