ന്യൂഡൽഹി: യാത്രകളെ ഒരുപാട് ഇഷ്ടപ്പെടുന്ന ആളാണ് നടി സാറാ അലീഖാൻ. ഇപ്പോഴിതാ തന്റെ അമർനാഥ് യാത്രയുടെ ചിത്രങ്ങൾ പങ്കുവെച്ചിരുക്കുകയാണ് താരം. ഇൻസ്റ്റാഗ്രാമിലൂടെയാണ് താരം ചിത്രങ്ങൾ പങ്കുവെച്ചിരിക്കുന്നത്. അമർനാഥിൽ നിന്നുള്ള ഒരു റീൽസ് വീഡിയോയും താരം പങ്കുവെച്ചിട്ടുണ്ട്. ജെയ് ബാബ ബർഫാനി എന്ന കുറിപ്പോടെയാണ് വീഡിയോ പങ്കുവെച്ചിരിക്കുന്നത്.
വീഡിയോയിൽ താരം അമർനാഥിലെ കാഴ്ചകളെ കുറിച്ചും വിവരിക്കുന്നുണ്ട്. തന്റെ ചിത്രമായ കേദാർനാഥിലെ നമോ നമോ എന്ന ഗാനമാണ് വീഡിയോയിൽ പശ്ചാത്തലമായി ഉപയോഗിച്ചിരിക്കുന്നത്. വീഡിയോയിൽ തന്റെ ഒപ്പം ഉണ്ടായിരുന്നവരുടെ ആഹ്ലാദ നിമിഷങ്ങളും താരം ഉൾപ്പെടുത്തിയിട്ടുണ്ട്.
കുറച്ച് ദിവസങ്ങൾക്ക് മുൻപ് താരം ഖജ്രാന മഹേശ്വര ക്ഷേത്രം സന്ദർശിച്ചിരുന്നു. ക്ഷേത്ര ദർശനത്തിന്റെ ദൃശ്യങ്ങളും താരം സമൂഹമാദ്ധ്യമങ്ങളിൽ പങ്കുവെച്ചിരുന്നു.
