തിരുവനന്തപുരം: സംസ്ഥാനത്തെ വനമേഖലകളിൽ കടുവകളുടെയും കാട്ടാനകളുടെയും എണ്ണത്തിൽ ഗണ്യമായ കുറവ് രേഖപ്പെടുത്തി വനംവകുപ്പ്. സംസ്ഥാനത്തെ കാട്ടാനകളുടെയും വയനാട് മേഖലയിലെ കടുവകളുടെയും കണക്കെടുപ്പാണ് വനം വകുപ്പ് നടത്തിയത്.
2023-ലെ കണക്ക് പ്രകാരം സംസ്ഥാനത്ത് 1,402 ആനകളുടെ കുറവാണ് രേഖപ്പെടുത്തിയിരിക്കുന്നത്. കൂടാതെ വയനാട് ലാൻഡ് സ്കേപ്പിലെ കണക്കിൽ കടുവകളുടെ എണ്ണം 120-ൽ നിന്ന് 84 ആയി കുറഞ്ഞതായും റിപ്പോർട്ടുണ്ട്.
ഏപ്രിൽ 10 മുതൽ മേയ് 25 വരെ കടുവകളുടെയും മേയ് 17 മുതൽ 19 വരെ കാട്ടാനകളുടെയും കണക്കുകളാണ് വനംവകുപ്പ് തയാറാക്കിയത്. റിപ്പോർട്ടുകൾ വനംവകുപ്പ് ഉദ്യോഗസ്ഥർ മന്ത്രി എ.കെ.ശശീന്ദ്രന് കൈമാറി. വനംവകുപ്പ് ഉദ്യോഗസ്ഥരുടെ റിപ്പോർട്ട് പ്രകാരം സംസ്ഥാനത്തിലെ വനമേഖലകളിലെ കാട്ടാനകളുടെ എണ്ണം 1920 ആണ്.
