ഏഷ്യൻ ഗെയിംസിനൊപ്പം കുതിക്കാൻ ബുളളറ്റ് ട്രെയിനും

ഹാങ്ചൗവിൽ നടക്കുന്ന ഏഷ്യൻ ഗെയിംസിനായി പ്രത്യേക ബുളളറ്റ് ട്രെയിൻ അവതരിപ്പിക്കുകയാണ് ആതിഥേയരായ ചൈന. ഗെയിംസിന്റെ പ്രധാനവേദിയായ ഹാങ്ചൗവിനും മത്സരവേദികളുളള വെങ്ചൗ, ജിൻഹ്വ, ഷാവോസിങ്, ഹുചൗ തുടങ്ങിയ നഗരങ്ങൾക്കുമിടയിൽ ഓടുന്ന ട്രെയിൻ മണിക്കൂറിൽ 350 കിലോ മീറ്റർ വേഗതയിലായിരിക്കും സഞ്ചരിക്കുക.

ഏഷ്യൻ ഗെയിംസിന്റെ തീമിലാണ് ഫുക്‌സിങ് ഇന്റലിജന്റ് ഇലക്ട്രിക് മൾട്ടിപ്പിൾ യൂണിറ്റ് ട്രെയിൻ ഒരുങ്ങുന്നത്. ഏട്ട് ബോഗികളിലായി 578 പേർക്ക് യാത്ര ചെയ്യാൻ കഴിയും. ഗെയിംസിന്റെ ഔദ്യോഗിക നിറമായ പർപ്പിളിൽ അലങ്കരിച്ച ട്രെയിനിൽ ഗെയിംസുമായി ബന്ധപ്പെട്ടവ ആലേഖനം ചെയ്തിട്ടുണ്ടാകും.

പൂർണമായും 5ജി വൈഫൈ സേവനങ്ങൾ ലഭ്യമാകുന്ന ട്രെയിനിൽ യാത്രകാർക്കായി വയർലൈസ് സ്‌ക്രീൻ പ്രൊജക്ഷനും മറ്റുമുണ്ടാകും. ഭിന്നശേഷി സൗഹൃദമായ ട്രെയിനിൽ ബ്രെയിൻ ലിപിയിലും ലഭ്യമാകുന്ന അറിയിപ്പുകൾ ഉണ്ടാകും.