പി.എസ്.ജിമായുള്ള അസ്വാരസ്യങ്ങൾ തുടരുന്നതിനിടെ ലോകഫുട്ബോളിലെ സൂപ്പർ താരം കിലിയൻ എംബാപ്പെയെ തട്ടകത്തിലെത്തിക്കാൻ സൗദി ക്ലബിന്റെ ശ്രമം. റെക്കോർഡ് തുകയാണ് താരത്തിന് ഓഫർ ചെയ്തിരിക്കുന്നതെന്നാണ് വിവരം. റയൽ മാഡ്രിഡിലേക്ക് പോകാൻ താത്പ്പര്യമുള്ള താരം സൗദിക്ക് കൈകൊടുക്കുമോ എന്ന കാര്യം കണ്ടറിയണം.
ഓരോ സീസണിലും 400 മില്യൺ ആണ് താരത്തിന് അൽ ഹിലാൽ വാഗ്ദാനം ചെയ്തിരിക്കുന്നത്. ട്രാൻസ്ഫർ തുകയായി 200 മില്യൺ പി.എസ്.ജിക്കും വാഗ്ദാനം ചെയ്തിട്ടുണ്ട്. ഇതിന് പുറമെ സമ്മറിൽ താരത്തിന് റയൽ മാഡ്രിലേക്ക് മാറാനുള്ള കാരാറും വാഗ്ദാനം ചെയ്യുന്നുണ്ട്.
അതേസമയം ഫാബ്രിസോ റൊമാനോ നൽകുന്ന റിപ്പോർട്ട് അനുസരിച്ച് കിലിയൻ സ്പാനിഷ് വമ്പന്മാരുമായി കരാറിലെത്തിയെന്നാണ് സൂചന. ഇതിനിടെ ജപ്പാനിലെ പ്രീസീസൺ ടൂറിൽ നിന്ന് നേരത്തെ പി.എസ്.ജി താരത്തെ ഒഴിവാക്കിയിരുന്നു. പി.എസ്.ജിയിൽ ഇനി താരത്തെ ആദ്യ ഇലവനിൽ കളിപ്പിക്കില്ലെന്നും സൂചനയുണ്ട്.
Comments