ഭുവനേശ്വർ: നാല് പുലിത്തോലുകളുമായി മൂന്നംഗ സംഘം പിടിയിൽ. ഒഡീഷയിലെ ബരിപാഡ ഫോറസ്റ്റ് ഡിവിഷനിലെ ബഹൽദ് പ്രദേശത്ത് നിന്നാണ് പ്രതികളെ പിടികൂടിയത്. ബരിപാഡയിലെ വനംവകുപ്പ് ഉദ്യോഗസ്ഥർ നടത്തിയ പരിശോധനയിലാണ് പുലിത്തോലുകൾ പിടിച്ചെടുത്തത്.
ഡിവിഷണൽ വനംവകുപ്പ് ഓഫീസറുടെ നേതൃത്വത്തിലുള്ള സംഘമാണ് പ്രദേശത്ത് പരിശോധന നടത്തിയത്. രഹസ്യവിവരത്തെ തുടർന്നാണ് പരിശോധന നടത്തിയത്. പ്രതികൾക്കെതിരെ കേസെടുത്ത് അറസ്റ്റ് രേഖപ്പെടുത്തിയിട്ടുണ്ടെന്നും കൂടുതൽ വിവരങ്ങൾ അന്വേഷിച്ച് വരികയാണെന്നും വനംവകുപ്പ് ഉദ്യോഗസ്ഥർ അറിയിച്ചു.
അടുത്തിടെ, ഛത്തീസ്ഗഡിലെ കാങ്കർ ജില്ലയിൽ ഈനാംപേച്ചിയെ കടത്തിയതിന് മൂന്ന് പേരെ പോലീസ് അറസ്റ്റ് ചെയ്തിരുന്നു. പ്രതികൾ ഈനാംപേച്ചി വിൽക്കുന്നതിനായി ആവശ്യക്കാരെ തിരയുന്നതായി വിവരം ലഭിച്ചതിനെ തുടർന്നാണ് വനംവകുപ്പ് പ്രതികളെ പിടികൂടാനുള്ള ഓപ്പറേഷൻ ആരംഭിച്ചത്. തുടർന്ന് തന്ത്രപരമായി പ്രതികളെ പിടികൂടുകയായിരുന്നു. പ്രതികളിൽ നിന്ന് പിടിച്ചെടുത്ത ഈനാംപേച്ചിക്ക് ഏകദേശം 11 കിലോഗ്രാം ഭാരമുണ്ടായിരുന്നതായി ഉദ്യോഗസ്ഥർ അറിയിച്ചു.
Comments