സോൾ: ഇന്ത്യൻ ബാഡ്മിന്റണിന്റെ സുവർണതാരങ്ങളാണ് ആന്ധ്രപ്രദേശുകാരനായ സാത്വിക് സായ്രാജും (22 വയസ്സ്) മുംബൈക്കാരനായ ചിരാഗ് ഷെട്ടിയും (26). വേൾഡ് ടൂർ സൂപ്പർ വിഭാഗത്തിന്റെ സൂപ്പർ 100, സൂപ്പർ 300, സൂപ്പർ 500, സൂപ്പർ 750, സൂപ്പർ 1000 എന്നിങ്ങനെ എല്ലാ കിരീടങ്ങളും നേടിയ ആദ്യ ഇന്ത്യൻ സഖ്യവും ഇവരാണ്.
കോമൺവെൽത്ത് ഗെയിംസ് സ്വർണമെഡൽ ജേതാക്കളായ ഇരുവരും ലോക ചാംപ്യൻഷിപ്പിൽ വെങ്കലം നേടിയിരുന്നു. തോമസ് കപ്പ്, ഏഷ്യൻ ചാംപ്യൻഷിപ് എന്നിവയിലും സഖ്യം സ്വർണം നേടിയിട്ടുണ്ട്. ഈ വർഷം തുടരെ 10 മത്സരങ്ങൾ ജയിച്ചു നിൽക്കുകയാണ് ഇന്ത്യയുടെ ഈ സുവർണജോഡി.
പ്രധാന കിരീടങ്ങൾ
2018 ഹൈദരാബാദ് ഓപ്പൺ
2019 തായ്ലൻഡ് ഓപ്പൺ
2022 ഇന്ത്യ ഓപ്പൺ
2022 ഫ്രഞ്ച് ഓപ്പൺ
2022 ലോക ചാംപ്യൻഷിപ് വെങ്കലം
2022 കോമൺവെൽത്ത് ഗെയിംസ് സ്വർണം
2023 ഏഷ്യൻ ചാംപ്യൻഷിപ് സ്വർണം
2023 സ്വിസ് ഓപ്പൺ
2023 ഇന്തൊനീഷ്യ ഓപ്പൺ
2023 കൊറിയ ഓപ്പൺ
