തമിഴ്നാട്ടിലെ കന്യാകുമാരിയ്ക്കടുത്ത് നിന്നും കാറ്റാടിപ്പാടങ്ങൾക്കിടയിലൂടെ പതിയെ നീങ്ങുന്ന ട്രെയിനിന്റെ മനോഹാരിതയാണ് ഇപ്പോൾ സമൂഹമാദ്ധ്യമങ്ങളിൽ ശ്രദ്ധേയമാകുന്നത്. ആറൽവായ്മൊഴിയിലുള്ള മുപ്പന്തൽ കാറ്റാടിപ്പാടത്തിന് നടുവിലൂടെയുള്ള റെയിൽപാതയിലൂടെ നീങ്ങുന്ന നാഗർകോവിൽ-മുംബൈ എക്സ്പ്രസ് ട്രെയിൻ കാഴ്ചക്കാരുടെയെല്ലാം മനം കവർന്നു.
ആരെയും കൊതിപ്പിക്കുന്ന കാഴ്ചയുടെ ചിത്രങ്ങളും വീഡിയോയും സമൂഹമാദ്ധ്യമങ്ങളിൽ പങ്കുവെച്ചത് റെയിൽവേ മന്ത്രാലയം തന്നെയായിരുന്നു. മനം മയക്കുന്ന ദൃശ്യങ്ങളിൽ കാറ്റാടിപ്പാടത്തിന് നടുവിലൂടെ ട്രെയിൻ നീങ്ങുമ്പോൾ ദൂരെ ആകാശത്ത് ഏഴ് വർണ്ണങ്ങളാൽ നിറഞ്ഞു നിൽക്കുന്ന മഴവില്ലും കാണാൻ സാധിക്കും.
‘16340 നാഗർകോവിൽ-മുംബൈ എക്സ്പ്രസ് തമിഴ്നാട്ടിലെ കന്യാകുമാരിയിലെ ആറൽവായ്മൊഴിയിലുള്ള മുപ്പന്തൽ വിൻഡ് ഫാമുകളിലൂടെ കടന്നുപോകുമ്പോൾ പ്രകൃതിയുടെ വിസ്മയം തീർക്കുന്ന പർവതങ്ങളും കാറ്റാടി മില്ലുകളും ആകർഷകമായ മഴവില്ലും എല്ലാം ഒരേസമയം ട്രെയിൻ യാത്രയിൽ’ എന്ന അടിക്കുറിപ്പോടെയാണ് റെയിൽവേ മന്ത്രാലയം ചിത്രങ്ങൾ ട്വീറ്റ് ചെയ്തിരിക്കുന്നത്.
Comments