ന്യൂഡൽഹി: കാർഗിൽ വിജയ് ദിവസിൽ വീരജവാന്മാരെ അനുസ്മരിച്ച് രാഷ്ട്രപതി ദ്രൗപദി മുർമു. സമൂഹമാദ്ധ്യമത്തിലൂടെയാണ് രാഷ്ട്രപതി കാർഗിൽദിനം അനുസ്മരിച്ചത്. കാർഗിൽ വിജയ് ദിവസിൽ രാജ്യം സേനയുടെ വീര്യത്തെ സ്മരിക്കുന്നുവെന്ന് രാഷ്ട്രപതി പറഞ്ഞു. രാജ്യത്തിന്റെ വിജയത്തിനായി ജീവിതം സമർപ്പിച്ച ധീരജവാന്മാരുടെ ഓർമ്മകൾക്ക് മുന്നിൽ രാഷ്ട്രത്തിന് വേണ്ടി പ്രണാമം അർപ്പിക്കുന്നുവെന്നും രാഷ്ട്രപതി പറഞ്ഞു. ജവാന്മാരുടെ വീരോചിതമായ ജീവിതം വരും തലമുറകൾക്ക് എക്കാലവും പ്രചോദനമാണെന്നും രാഷ്ട്രപതി കുറിച്ചു.
പാകിസ്താന് മേൽ ഇന്ത്യ നേടിയ ഐതിഹാസിക വിജയത്തിന്റെ 24-ാം വാർഷികമാണ് രാജ്യം പുതുക്കുന്നത്. ഇന്ത്യൻ മണ്ണിലേക്ക് പാക് സൈന്യം നുഴഞ്ഞുകയറിയതോടെയാണ് യുദ്ധം ആരംഭിക്കുന്നത്. ‘ഓപ്പറേഷൻ വിജയ്’ലൂടെ ഇന്ത്യൻ സൈന്യത്തിന്റെ കരുത്തറിഞ്ഞ പാകിസ്താന് യുദ്ധത്തിൽ നിന്നും പിന്മാറേണ്ടിവന്നു. കാർഗിലിൽ രാജ്യത്തിന് നഷ്ടമായത് 527 ധീരജവാൻമാരുടെ ജീവനായിരുന്നു. 1999 ജൂലൈ 14-ന് ഇന്ത്യ പാകിസ്താന് മേൽ വിജയം നേടിയതായി അന്നത്തെ പ്രധാനമന്ത്രി അടൽ ബിഹാരി വാജ്പേയി പ്രഖ്യാപിച്ചതോടെയാണ് യുദ്ധം അവസാനിക്കുന്നത്. ജൂലൈ 26-ന് യുദ്ധം അവസാനിച്ചതായി അദ്ദേഹം ഔദ്യോഗിക പ്രഖ്യാപനം നടത്തുകയും ചെയ്തു.
आज कारगिल विजय दिवस के गौरवशाली अवसर पर सभी देशवासी हमारे सशस्त्र बलों के असाधारण पराक्रम से अर्जित की गई विजय को याद करते हैं। देश की रक्षा के लिए अपने जीवन का बलिदान करके विजय का मार्ग प्रशस्त करने वाले सेनानियों को एक कृतज्ञ राष्ट्र की ओर से मैं श्रद्धांजलि देती हूं और उनकी…
— President of India (@rashtrapatibhvn) July 26, 2023
