ഹൈദരാബാദ് : ടോളിവുഡ് മെഗാസ്റ്റാർ ചിരഞ്ജീവിയുടെ അടുത്ത ചിത്രം ‘ഭോല ശങ്കർ’. ഒരു ഫാമിലി എന്റർടൈൻമെന്റ് സിനിമയാണ്, മെഹർ രമേഷ് സംവിധാനം ചെയ്യുന്ന ഈ ചിത്രത്തിൽ തമന്ന ഭാട്ടിയയും കീർത്തി സുരേഷുമാണ് പ്രധാന കഥാപാത്രങ്ങളെ അവതരിപ്പിക്കുന്നത്. ഓഗസ്റ്റ് 11ന് ചിത്രം തിയേറ്ററുകളിലെത്താൻ ഒരുങ്ങുകയാണ് ഈ ചിത്രം.
റിലീസ് തീയതി അടുത്തിരിക്കെ മെഗാസ്റ്റാറിന്റെ ആരാധകർക്ക് ഒരു മധുര സർപ്രൈസ് നൽകിയിരിക്കുകയാണ് അണിയറക്കാർ. ചിരഞ്ജീവിയുടെ മകനും ഗ്ലോബൽ സ്റ്റാറുമായ രാം ചരൺ ആണ് ഇന്ന് ചിത്രത്തിന്റെ ട്രെയിലർ പുറത്തിറക്കിയത്. ട്രെയിലറിലെ ചിരഞ്ജീവിയുടെ പഞ്ച് ഡയലോഗുകളും സ്റ്റൈലുകളും ഫാൻസിനു ആവേശമായി മാറിക്കഴിഞ്ഞു.
ഇന്ത്യൻ സിനിമയിൽ തന്റേതായ വ്യക്തിമുദ്ര പതിപ്പിച്ച മെഗാസ്റ്റാർ ചിരഞ്ജീവി തന്റെ സിനിമാ ജീവിതത്തിൽ 150ലധികം ചിത്രങ്ങളിൽ അഭിനയിച്ചിട്ടുണ്ട്.
ഭോല ശങ്കർ ടീസർ: ചിരഞ്ജീവിയും തമന്ന ഭാട്ടിയയും പ്രധാന കഥാപാത്രങ്ങളെ അവതരിപ്പിക്കുന്ന ‘ഭോല ശങ്കർ’ എന്ന ചിത്രത്തിന്റെ ടീസർ കുറച്ച് ദിവസങ്ങൾക്ക് മുമ്പ് സിനിമാ ടീം പുറത്തിറക്കിയിരുന്നു. പ്രശസ്ത നടി കീർത്തി സുരേഷാണ് ഈ ചിത്രത്തിൽ നടൻ ചിരഞ്ജീവിയുടെ സഹോദരിയായി അഭിനയിച്ചത്. കംപ്ലീറ്റ് ഫാമിലി എന്റർടെയ്ൻമെന്റ് ആയിരിക്കെ തന്നെ മാസ് ആക്ഷൻ സിനിമ ആയിരിക്കും ഇതെന്നാണ് അവകാശവാദം. നടൻ ചിരഞ്ജീവി ഒരു ഡ്രൈവറുടെ വേഷത്തിലാണ് ‘ഭോല ശങ്കറി’ൽ എത്തുന്നത്. ഇതിനകം പുറത്തിറക്കിയ ടീസറും ട്രെയിലറും ആക്ഷൻ രംഗങ്ങൾ നിറഞ്ഞതാണ്. നിലവിൽ ‘ഭോല ശങ്കർ’ എന്ന ചിത്രത്തിന്റെ ട്രെയിലർ സോഷ്യൽ മീഡിയയിൽ വലിയ തരംഗവും ട്രെൻഡിംഗുമാണ്. ‘ഭോല ശങ്കർ’ ഓഗസ്റ്റ് 11ന് തിയേറ്ററുകളിൽ റിലീസ് ചെയ്യും. രജനികാന്തിന്റെ ജയിലർ, അക്ഷയ് കുമാറിന്റെ OMG 2, സണ്ണി ഡിയോളിന്റെ ഗദർ 2 എന്നിവയുമായി ഭോല ശങ്കർ ഏറ്റുമുട്ടും.
