ജനങ്ങളുടെ പണം കൊണ്ട് ഇവനെ തീറ്റിപോറ്റരുത് ,കയ്യുംകാലും തല്ലിയൊടിക്കണം ; അസ്ഫാക്കിനെതിരെ നാട്ടുകാർ

കൊച്ചി ; ആലുവയിൽ അഞ്ചുവയസ്സുകാരി കൊല്ലപ്പെട്ട കേസിൽ മൃതദേഹം കണ്ടെത്തിയ സ്ഥലത്തു തെളിവെടുപ്പിനായി പ്രതിയായ അസ്ഫാക്കിനെ പോലീസ് എത്തിച്ചു. എന്നാൽ നാട്ടുകാരുടെ പ്രതിഷേധത്തെ തുടർന്ന് പോലീസ് പ്രതിയുമായി തിരികെ പോയി.

‘അവനെ വിട്ടുകൊടുക്കരുത് അവന്റെ കയ്യും കാലും തല്ലിയൊടിക്കണം’’ എന്നിങ്ങനെ ആർത്തുവിളിച്ച് നാട്ടുകാർ എത്തിയതോടെ തെളിവെടുപ്പ് നടത്താനാകാതെ പ്രതിയെയും കൊണ്ട് പോലീസ് തിരികെ പോകുകയായിരുന്നു.ഫൊറൻസിക് വിദഗ്ധരടക്കം സ്ഥലത്തെത്തി പരിശോധന തുടരുകയാണ്. കുട്ടിയുമായി മാർക്കറ്റിന്റെ പരിസരത്തേക്കു പോകുന്ന പ്രതിയെ കണ്ടതായി താജുദ്ദീൻ എന്ന തൊഴിലാളി രാവിലെ പോലീസിനെ വിവരമറിയിച്ചിരുന്നു

കേസിൽ പ്രത്യേക അന്വേഷണ സംഘത്തെ രൂപീകരിച്ചു . കുട്ടി കൊല്ലപ്പെട്ടത് പീഡനത്തിനിടയിലാണോയെന്നും പരിശോധിക്കും.