വെളുത്തിട്ട് പാറാൻ കുങ്കുമപ്പൂവ് കഴിക്കുന്നുണ്ടോ? സൂക്ഷിക്കുക!!

ഗർഭിണിയാണെന്ന് അറിഞ്ഞാൽ തന്നെ ചിലർ നിർദ്ദേശിക്കുന്ന ഒന്നാണ് കുങ്കുമപ്പൂവ്. ജനിക്കാൻ പോകുന്ന കുഞ്ഞിന് നിറവും സൗന്ദര്യവും ലഭിക്കാൻ കുങ്കുപ്പൂവ് സഹായിക്കുമെന്ന് പറഞ്ഞാണ് ഇത് ചെയ്യുന്നത്. അതുപോലെ തന്നെ കുങ്കുമപ്പൂവ് പാലിൽ ഇട്ട് തിളപ്പിച്ച് കുടിക്കുന്നവരും കുറവല്ല. എന്നാൽ ഇതിലെന്തെങ്കിലും സത്യാവസ്ഥയുണ്ടോ?

സാധാരണയായി ഭക്ഷണത്തിൽ നിറം ലഭിക്കാനായി ഉപയോഗിക്കുന്ന സുഗന്ധ വ്യഞ്ജനമാണ് കുങ്കുമപ്പൂവ്. ആന്റി ഓക്‌സിഡന്റുകളും വിറ്റാമിനുകളും ധാതുക്കളും ഇതിൽ ധാരാളമായി അടങ്ങിയിട്ടിട്ടുണ്ട്. ചർമ്മത്തിലെ നിറവ്യത്യാസം അകറ്റാനും ചർമ്മത്തിലെ ജലാംശം നിലനിർത്താനും കുങ്കുപ്പൂവ് സഹായിക്കും. മുഖക്കുരുവും കറുത്തപാടുകളും അകറ്റാനും ഇത് നല്ലതാണ്. എന്നാൽ കുങ്കുമപ്പൂവ് കഴിച്ചാൽ ഒരിക്കലും വെളുക്കില്ലെന്നതാണ് വാസ്തവം. ഇത്തരത്തിൽ കുങ്കുമപ്പൂവ് കഴിച്ചാൽ വെളുക്കുമെന്ന് തെളിക്കുന്ന ശാസ്ത്രീസ രേഖകളും നിലവിൽ ഇല്ല.

മെലനിൻ എന്ന വർണവസ്തുവാണ് ചർമ്മത്തിന് നിറം നൽകുന്നത്. മെലനിൻ കൂടുതൽ ഉള്ളവരെ ഇരുണ്ടതായും കുറവുള്ളവരെ ഇളം നിറത്തിലും കണ്ടുവരുന്നു. മെലനിൻ, ജനിതകം, പ്രായം, സൂര്യപ്രകാശം, ആരോഗ്യം എന്നിവയാാണ് ഒരാളുടെ നിറത്തെ നിശ്ചയിക്കുന്നത്. പഴങ്ങളും പച്ചക്കറികളും വെള്ളവും ആരോഗ്യത്തിനൊപ്പം നിറവും നൽകുന്നതിൽ പ്രധാന പങ്ക് വഹിക്കുന്നു.

കുങ്കുമപ്പൂവ് വെളുത്തിട്ട് പാറാൻ സഹായിക്കില്ലെങ്കിലും കുങ്കുപ്പൂവ് കഴിക്കുന്നവർ ആശങ്കപ്പെടേണ്ട. പല രോഗങ്ങൾക്കും അവസ്ഥയ്‌ക്കും മികച്ചതാണ് കുങ്കുമപ്പൂവ്. ക്രോസിൻ, സഫ്രനാൽ, പിക്രോസിൻ തുടങ്ങിയ ബയോആക്ടീവ് സംയുക്തങ്ങൾ അടങ്ങിയിട്ടുണ്ട്. അതുകൊണ്ട് തന്നെ വിഷാദരോഗങ്ങളെ തടയുന്നതിൽ കുങ്കുമപ്പൂവ് മികച്ചതാണ്. മാനസികാവസ്ഥ, ഓർമശക്തി, പഠനശേഷി എന്നിവ മെച്ചപ്പെടുത്താനും ഇത് നല്ലതാണ്. ഇതിലെ ആന്റിഓക്‌സിഡന്റുകൾ രോഗപ്രതിരോധ ശേഷി വർദ്ധിപ്പിക്കുന്നു. തലച്ചോറിന്റെ പ്രവർത്ത നം മെച്ചപ്പെടുത്താനും കാഴ്ച ശക്തി വർദ്ധിപ്പിക്കാനും കുങ്കുപ്പൂവ് സഹായിക്കും.