ഇസ്ലാമാബാദ് : ‘ അഞ്ജുവിനെ പിന്തുടരൂ, ഇസ്ലാം സ്വീകരിക്കൂ ‘ ; പ്രഖ്യാപനവുമായി പിഎകെ സ്റ്റാർ കമ്പനി . ഇസ്ലാം മതം സ്വീകരിച്ച് പാകിസ്താനിയെ വിവാഹം കഴിച്ച അഞ്ജുവിന് അടുത്തിടെ പാക് സ്റ്റാർ ഗ്രൂപ്പ് ഓഫ് കമ്പനീസ് സിഇഒ മൊഹ്സിൻ ഖാൻ അബ്ബാസി ഫ്ലാറ്റ് നൽകിയിരുന്നു . അഞ്ജുവിന് ലഭിക്കുന്ന സമ്മാനങ്ങൾ കണ്ട് മറ്റുള്ളവർക്കും പാകിസ്താനിലേയ്ക്ക് വരാൻ തോന്നണമെന്നാണ് മൊഹ്സിൻ ഖാൻ അബ്ബാസിയുടെ വാദം .
ഖൈബർ പഖ്തൂൺഖ്വ പ്രവിശ്യയിലെ നസ്റുല്ലയുടെ വീട്ടിൽ സമ്മാനവുമായി എത്തിയ മൊഹ്സിൻ ഖാൻ അഞ്ജുവിന് തന്റെ കമ്പനിയിൽ ജോലി വാഗ്ദാനം ചെയ്തു. മറ്റൊരു രാജ്യത്ത് നിന്നുള്ള ഒരു സ്ത്രീ ഇസ്ലാം സ്വീകരിച്ചു . അതുകൊണ്ട് അയാൾക്ക് ഒരു പ്രശ്നവും ഉണ്ടാകാതിരിക്കേണ്ടത് നമ്മുടെ ഉത്തരവാദിത്തമാണ്. പാകിസ്താനിൽ ഒരു കുറവും അനുഭവപ്പെടരുത്. – മൊഹ്സിൻ ഖാൻ പറഞ്ഞു.
പാക് സിറ്റി കമ്പനി റിയൽ എസ്റ്റേറ്റ് മേഖലയിലാണ് പ്രവർത്തിക്കുന്നത് . അഞ്ജുവിന്റെ രേഖകളുടെ നിയമനടപടികൾ പൂർത്തിയായാലുടൻ പാക് സ്റ്റാർ ഗ്രൂപ്പ് അവർക്ക് ജോലി നൽകും .അഞ്ജുവിന്റെയും നസ്റുല്ലയുടെയും കുടുംബത്തെ പിന്തുണയ്ക്കാൻ പാക് സർക്കാരിനോട് മൊഹ്സിൻ ഖാൻ അഭ്യർത്ഥിക്കുകയും ചെയ്തു.
ഇത് മാത്രമല്ല, പാകിസ്താനിലെ മറ്റ് പണക്കാരോടും അഞ്ജുവിന് സമ്മാനങ്ങൾ നൽകാൻ അഭ്യർത്ഥിച്ചു. പാകിസ്താനിലും ധാരാളം പണമുള്ളവരുണ്ടെന്ന് മൊഹ്സിൻ ഖാൻ പറഞ്ഞു. അവരും സഹായിക്കാൻ മുന്നോട്ടു വരണം. അതുകണ്ട് മറ്റുള്ളവർക്കും ഇങ്ങോട്ട് വരാൻ തോന്നണം . അഞ്ജുവിനെ സന്തോഷിപ്പിക്കാൻ ശ്രമിക്കണമെന്നും അഞ്ജുവിനെ കണ്ട് മറ്റുള്ളവർ ഇസ്ലാം സ്വീകരിക്കുമെന്നും മൊഹ്സിൻ ഖാൻ അബ്ബാസി പറഞ്ഞു.
