നടൻ വിജയ് രാഘവേന്ദ്രയുടെ ഭാര്യയും നടിയുമായ സ്പന്ദനയുടെ മരണത്തിലേക്ക് നയിച്ചത് കഠിനമായ ഡയറ്റെന്ന് സംശയം. കാരണം കഴിഞ്ഞ മൂന്ന് മാസത്തിനിടെ ഇവർ 16 കിലോ ശരീരഭാരമായിരുന്നു കുറച്ചത്.കുറച്ചത്. അതേസമയം, ഹൃദയാഘാതമാണ് മരണകാരണം എന്നല്ലാതെ മറ്റ് വിവരങ്ങളൊന്നും പുറത്ത് വന്നിട്ടില്ല.
കന്നട നടൻ പുനീത് രാജ് കുമാറിന്റെ മരണവുമായി നടി സ്പന്ദനയുടെ മരണത്തിന് അശാസ്ത്രീയമായി പിൻതുടർന്ന ഡയറ്റാണോ എന്ന് സംശയമുണ്ട്. കുറച്ച് ദിവസമായി സ്പന്ദനയ്ക്ക് ക്ഷീണം അനുഭവപ്പെട്ടതായി ബന്ധുക്കൾ അറിയിച്ചു. മറ്റു വിവരങ്ങൾ ലഭ്യമല്ലെന്നും കുടുംബം വ്യക്തമാക്കി.
അന്തരിച്ച നടൻ പുനിത് രാജ് കുമാറിന്റെ അമ്മ പര്വതമ്മയുടെ ഏറ്റവും ഇളയ സഹോദരന്റെ മകനാണ് നടൻ വിജയ രാഘവേന്ദ്ര. 16-ാം വിവാഹവാര്ഷികം ആഘോഷിക്കാനിരിക്കെയായിരുന്നു സ്പന്ദനയുടെ മരണം. 2007ലാണ് വിജയ രാഘവേന്ദ്രയും സ്പന്ദനയും വിവാഹിതരായത്. കിസ്മത്, അപൂര്വ എന്നീ രണ്ട് ചിത്രങ്ങളില് താരം അഭിനയിച്ചിട്ടുണ്ട്.
ബാങ്കോക്കില് വച്ച് ഹൃദയാഘാതത്തെ തുടര്ന്നാണ് 35കാരിയായ സ്പന്ദന മരിച്ചത്. ഹോട്ടല് മുറിയില് കുഴഞ്ഞുവീണ സ്പന്ദനയെ ഉടന് തന്നെ ആശുപത്രിയില് എത്തിച്ചെങ്കിലും മരണപ്പെടുകയായിരുന്നു. നടപടിക്രമങ്ങള്ക്ക് ശേഷം മൃതദേഹം നാളെ ബംഗളൂരുവില് എത്തിക്കുമെന്നാണ് സൂചന.
