ജനപ്രീതിയിൽ വളരെ മുന്നിലാണ് ടാറ്റാ മോട്ടോഴ്സ്. വൻ വിൽപ്പനയാണ് രാജ്യത്ത് കമ്പനി കാഴ്ച വെയ്ക്കുന്നത്. അടുത്ത വർഷമാദ്യത്തോടെ നാല് ഇലക്ട്രിക് എസ്യുവികൾ അവതരിപ്പിക്കുമെന്ന് കമ്പനി അറിയിച്ചു. നവീകരിച്ച ടാറ്റ നെക്സോൺ ഇവി സെപ്റ്റംബർ അവസാനത്തോടെ പുറത്തിറങ്ങുമെന്നാണ് കരുതുന്നത്. ഇതിന് പിന്നാലെ ഹാരിയർ ഇവിയും എത്തും. തുടർന്ന് കർവ്വ് ഇവി എസ്യുവിയും ടാറ്റ അവതരിപ്പിക്കും.
ടാറ്റ മോട്ടോഴ്സ് ഇവികളിൽ വിപുലമായ പദ്ധതികളാണ് ആസൂത്രണം ചെയ്തിരിക്കുന്നത്. നവീകരിച്ച നെക്സോൺ എപ്പോൾ വേണമെങ്കിലും പുറത്തിറക്കുമെന്ന് ടാറ്റ സൺസ് ചെയർമാൻ എൻ ചന്ദ്രശേഖരൻ പറഞ്ഞു. ഹാരിയർ, പഞ്ച്, കർവ്വ് എന്നിവ അടുത്ത വർഷം ആദ്യ പാദത്തിൽ അവതരിപ്പിക്കുമെന്നും അദ്ദേഹം അറിയിച്ചു. 2030-ഓടെ ടാറ്റ മോട്ടോഴ്സിന്റെ 65 ശതമാനം വാഹനങ്ങളും ഹരിതോർജ്ജത്തിലാകും പ്രവർത്തിക്കുക.
Comments