ജയ്പൂർ : പാകിസ്താനിൽ ഇന്ത്യയിലേക്ക് തിരിച്ചുവരാൻ തനിക്ക് ആഗ്രഹമുണ്ടെന്ന് അഞ്ജു . മക്കളെയും ഭർത്താവിനെയും ഉപേക്ഷിച്ചാണ് അഞ്ജു തന്റെ ഫേസ്ബുക്ക് സുഹൃത്ത് നസ്റുല്ലയെ കാണാൻ പാകിസ്താനിലേക്ക് പോയത്. എന്നാൽ അതിനിടെ അഞ്ജു ഇസ്ലാം മതം സ്വീകരിച്ച് വിവാഹം കഴിച്ചുവെന്ന രീതിയിലും വാർത്തകൾ വന്നിരുന്നു . അതിനു പിന്നാലെയാണ് തനിക്ക് ഇന്ത്യയിലേക്ക് തിരിച്ചുവരാൻ ആഗ്രഹമുണ്ടെന്ന് അഞ്ജു പറയുന്നത് .
താൻ ഇപ്പോൾ പാകിസ്താനിൽ സന്തോഷവാനാണെന്ന് ബിബിസിയുമായുള്ള അഭിമുഖത്തിൽ അഞ്ജു പറഞ്ഞു. ‘ എനിക്ക് ഇന്ത്യയിൽ പോയി കുട്ടികളെ കാണണം. രാവും പകലും ഞാൻ അവരെ മിസ് ചെയ്യുന്നു. എനിക്ക് എന്റെ മക്കളെ കാണാൻ ആഗ്രഹമുണ്ട്, അതിനുശേഷം മാത്രമേ തുടർനടപടികൾ തീരുമാനിക്കൂ. അവരെ കുറിച്ച് ഓർത്ത് ഞാൻ ഉത്കണ്ഠയിലാണ് ‘ അഞ്ജു പറഞ്ഞു .
മറ്റൊരി പദ്ധതിയുമായിട്ടാണ് താൻ പാകിസ്താനിലെത്തിയതെന്നും അവർ പറഞ്ഞു. എന്നാൽ വിചാരിച്ചതിന് പകരം മറ്റൊന്നാണ് ഇവിടെ സംഭവിച്ചത്. “ ഇവിടെ സംഭവിച്ചതിന്റെ പേരിൽ എന്റെ കുടുംബം അവിടെ ഇന്ത്യയിൽ അപമാനിക്കപ്പെട്ടു. ഞങ്ങളും ഒരു തെറ്റ് ചെയ്തു. ഇതെല്ലാം ഞാൻ കാരണമാണ് സംഭവിച്ചത്, അതിൽ ഞാൻ വളരെ ദുഃഖിതയാണ്. രണ്ടാമതായി, കുട്ടികളുടെ മനസ്സിൽ എന്നെ പറ്റി എന്തൊരു ഇമേജ് സൃഷ്ടിച്ചിട്ടുണ്ടാകും.“ അഞ്ജു പറഞ്ഞു.
“എനിക്ക് ഇന്ത്യയിൽ പോയി എല്ലാവരേയും നേരിടണം. എനിക്ക് എല്ലാം പറയാൻ ആഗ്രഹമുണ്ട് മാദ്ധ്യമങ്ങളോട് പ്രതികരിക്കാനും ഞാൻ ആഗ്രഹിക്കുന്നു. എല്ലാ ചോദ്യങ്ങൾക്കും എന്റെ പക്കൽ ഉത്തരങ്ങളുണ്ട്. എന്നെ വളരെ നന്നായി പരിപാലിച്ചു. അതെല്ലാം എന്റെ സ്വന്തം തീരുമാനമായിരുന്നു. മാദ്ധ്യമങ്ങളുടെ സമ്മർദം കാരണം എനിക്ക് പെട്ടെന്ന് തിരിച്ചുവരാൻ കഴിഞ്ഞില്ല.“ അഞ്ജു പറഞ്ഞു .
